батафсил »

  Бўлар иш бўлди. Биз ҳийла ишлатмоқчи эдик. Ватан шаъни учун кетадиган катта “жанг”ларда моҳирлик билан қўлланилган ҳийла ўзини оқлаши мумкин деб зйлагандик. Ҳамма гап ана шу ҳийлани ишлатишдан қўзланган мақсадда, деб ўзимизни алдагандик. Мақсад эзгу бўлса, воситанинг аҳамияти йўқ...(ми?) деб ўйлагандик. Аммо...

У жуда ҳам ўйинқароқ бола эди. Эртадан кечгача кўчадан бери келмасди. Болалар билан тупроқ чангитиб копток тепарди. Дадаси бир куни уни стадионга олиб борди. У ҳали бунчалик кўп одамни умрида кўрмаганди. Стадионга йиғилган барча каттаю кичик яшил майдонда тўп тепаётган футболчиларни тинмай олқишларди. У ушбу манзарани кўриб, анқайиб қолди.

Бўлди. Кўрдик. Эшитдик. Ўқидик. Билдик. ФИФА эшитмасин деб туриб, ўзимиз кечадан бери жар солиб ётибмиз. Кўпчилик бўлиб муҳокама қиляпмиз.

Эрталаб кимдир «Насаф» ва «Пахтакор» ўйини зерикарли тус олади, дегандек бўлувдими? Мана сизга «ҳар қанча айлантирсангиз ҳам интрига олиб кириб бўлмайдиган» ўйин!!! «Кумуш» сериалининг қадри ҳақида баҳслашмаган ҳолда, ҳар ҳолда кумуш медал ҳам ўзига яраша қийматга эга эканини алоҳида таъкидлаб ўтган бўлардим.

Кеча Қарши шаҳрида ҳақиқий байрам бўлди. Воҳалик мухлисларга тан бердим, очиғи. Футболчилар-ку, майли, ҳар қандай об-ҳавода ҳам майдонга чиқиб, тўп суришга мажбур. Аммо мухлисларга нима зарил?  Иссиққина уйда кўк чойни дамлаб олиб, мазза қилиб ёнбошла-а-аб кўришмайдими ўйинни? Бўрон бўлиб, чанг-тўзон чор-атрофга сочилаётган бир пайтда  очиқ майдонда ўтириб, 22 та «бекорчи»нинг у ёқдан бу ёққа тўп тепишини томоша қилгандан нима фойда? Биров бу учун уларга «раҳмат» дермиди? Менимча бунинг номи  қисқача қилиб, «Футболга муҳаббат» деб аталади. Янаям аниқроғи, Ватан шаъни учун куюнчаклик! Чунки, кеча майдонда «Насаф» ва «Ал-Виҳдат» жамоалари беллашган бўлса-да, жамоаларнинг номидан сўнг қавс ичида «Ўзбекистон» ва «Иордания» деган ёзувлар бор эди. Қарши шаҳридаги чанг остида  ўтган «жанг»  мана шу ёзув учун кечди аслида.

Япония билан бўлиб ўтган ўйин ўтди-кетди. Олдинда бизни Пхеньяндаги ниҳоятда қийин учрашув кутмоқда. Терма жамоамиз бош мураббийи Вадим Абрамов ҳозир икки ўйин орасида турибди. Ўтган ўйинни батафсил таҳлил қилиб, керакли хулоса чиқариш ва келгуси ўйинга муносиб тактика ишлаб чиқиш вазифаси бор Абрамовнинг зиммасида. Бечора Абрамов. Битта  бошга шунча ташвиш.

Ассалому алайкум, қадрли футбол мухлислари! Ғойибона бўлса ҳам ҳаммамиз учун қадрдон бўлган сайт орқали учрашиб, миллиардлар ўйини ҳақида фикр алмашиш имкониятига эга бўлганимдан хурсандман.