Давлатимиз президенти томонидан шу йилнинг 19 январь кунида қабул қилинган 2011-2013 йилларда республикада футболни ривожлантириш ва моддий-техник базасини мустаҳкамлаш бўйича қўшимча чора-тадбирларга оид қарорига мувофиқ Самарқанддаги «Динамо» ўйингоҳини реконструкция қилиш ишлари бошланди.

Кўҳна шаҳарнинг қоқ марказидаги «Динамо» стадиони яқин орада буткул ўзгача кўринишга эга бўлиши ва барча замон талабаларига жавоб бериши шубҳасиз. Хабарингиз бор, ушбу стадионда вилоятнинг бош жамоаси «Динамо» клуби ўз ўйинларини ўтказарди. Энди стадионда ишлар бошланганлиги сабаб, «Динамо» жамоаси ўз уй учрашувларини шаҳардаги яна бир замонавий стадион «Олимпия» ўйингоҳида ўтказади. Ушбу стадион 2005 йилда Самарқандда ўтган «Универсиада» мусобақалари шарофати билан бунёд этилган бўлиб, ўз бағрига 15 минг мухлисни сиғдира олади.

Эслатиб ўтамиз, «Динамо» жамоаси 2007 йилги мавсумни айнан ушбу стадионда ўтказганди. Шунингдек, ўша йили Вадим Абрамов бошқарувидаги Олимпия терма жамоамиз ҳам икки учрашувида «Олимпия» стадионида тўп сурганди.

ФИКР БИЛДИРИНГ:

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

БИЛДИРИЛГАН ФИКРЛАР: