Нафақат "Барселона"да, бутун Испания, бутун жаҳонда алоҳида ҳурмат билан тилга олинадиган футболчи бугун 28 ёшга тўлди. Ҳа, бу - Иньеста! Жамоасининг ютуқларига улкан ҳисса қўшган, испанларнинг биринчи жаҳон чемпиони бўлишини таъминлаган ғалаба тўпи муаллифи, ўта камтар, босиқ, юлдузликка даъво қилмайдиган, аммо суперфутболчи Андреас ҳақида блогимизда мақола тайёрлаган эдик. Унинг туғилган куни муносабати билан ушбу мақолани яна бир бор эътиборингизга ҳавола этамиз.

Бу сафарги Каталония дербиси узоқ вақт ёдимизда қоладиган бўлди. Нафақат Мессининг навбатдаги покерини қайд этгани, нафақат Ла Лигада рекорд натижа – 50та тўп киритишга, мавсум давомида эса 72та гол уришга эришгани, балки ушбу голларини Пеп Гвардиолага бағишлагани, супер мураббийнинг эса “Камп Ноу” билан хайрлашгани мухлислар ёдида сақланиб қолади.

Бу сафарги дерби ҳеч нарсани ҳал этмайди. Биз ўша ҳолатларни яхши эслаймиз: айнан “тўтиқушлар” “Барса”нинг оёғидан чалиб, совринлардан қуруқ қолдирган вақтлар бўлган. Бу сафар “кўк-анорранглилар” ўзларини-ўзлари совринлардан маҳрум этди. Ўтган турда Мадрид Ла лига чемпионлигини расмий тарзда қўлга киритди. Бироқ булар бугунги дерби шиддатли ўтишига тўсқинлик қила олмайди. Каталония дербисининг тарихда ўз ўрни ва аҳамияти бор.

Лионел Месси 40 йилдан буён ҳеч бир футболчи яқинлаша олмаётган рекордни янгилади. Афсонавий Герд Мюллер томонидан ўрнатилган рекорд бугундан бошлаб иккинчи планга ўтди. Унинг ўрнини аргентиналик юлдуз эгаллади. Шундай ноёб футболчи даврида яшаётганимиздан, унинг ўйинларини жонли кузатаётганимиздан ҳар қанча қувонсак кам. Бунақа истеъдод ҳар йилда дунёга келавермайди. Йиллар ўтиб набираларимизга Мессининг ўйинларини бевосита кузатиб борганимизни гапириб беришнинг мароғини ҳозирданоқ ҳис эта бошлаяпман.

Испанияда чемпионлик масаласи деярли ҳал этилган бўлса-да, муҳим ўринлар учун кураш давом этяпти. “Барса”нинг бугунги рақиби – “Малага” учинчи ўрин ҳамда Чемпионлар лигаси йўлланмаси учун жиддий курашяпти. Шундан ҳам бу ўйин мақоми ва шиддати юқори бўлишини олдиндан тахмин қилиш қийин эмас.

"Барселона" мини-футбол клуби Европада тенгсиз! УЕФА Кубоги финалида Москванинг "Динамо" клубини 3:1 ҳисобида мағлубиятга учратган каталониялик футзалчилар яна бир совринни музейга олиб кетдилар.

Испания чемпионатининг навбатдаги турида "Барселона" сафарда "Райо Валекано"га ҳеч қандай имконият қолдирмади. Учрашувда эътиборга молик ҳодисалар кўп бўлди. Уларнинг энг асосийси бир неча ойлик танаффусдан сўнг Иброҳим Афеллай майдонга қайтгани бўлди.

Гвардиола ушбу мавсум якунида жамоадан кетишга қарор қилди. Ҳозиргина (соат 16 30да) “Барселона” клуби президенти Сандро Росел, спорт директори Андони Субисаррета ҳамда Гвардиола иштирокида матбуот анжуманда бу хабар расман эълон қилинди. Анжуман клуб расмий сайти орқали тўғридан-тўғри трансляция қилинди. Шундай қилиб, Пеп жамоани 30 июнгача бошқаради, сўнг Тито Виланова бошқарувни қўлига олади?!

Куни кеча “Барселона” клуби президенти Сандро Росел клуб директори Андони Субисаррета билан Гвардиоланинг келажагини муҳокама қилишганди. Бир соат давом этган суҳбатда Пепнинг клубни келгусида ҳам бошқарувида қолиш масалалари кўрилган.

Бир жамоанинг Чемпионлар лигасида икки бор кетма-кет  ғалаба қозона олмаслик анъанаси бузилмайдиган бўлди. Амалдаги чемпион - “Барселона” бу сафар ярим финалда тўхтатилди.

Бир ҳафта ичида “Барса” мавсумнинг икки муҳим турнирида ўзини ноқулай ҳолатга солиб қўйди. Агар Примерада масала ҳал бўлиб улгурган бўлса, Чемпионлар лигасида вазиятни ўнглашга имкон бор.

“Барселона” ўз услубида мағлубиятга учради. Ҳужумдаги имкониятлардан фойдалана олмаслик ва рақибнинг битта қарши ҳужуми. Шунинг ўзи етарли бўлди.

Гвардиоланинг “Барса”си футбол чўққисига “Стэмфорд Бридж” орқали чиқиб борган эди. Иниестанинг голи каталонияликларга Рим финали эшикларини очиб берган ва ўша лаҳзалардан буён 4 йил ўтибди ҳамки, “Барселона” кучлиларнинг кучлиси сифатида эътироф этиб келинмоқда.

Пеп Гвардиола журналистнинг кўзига диққат билан қаради ва такрорлади: “Мен ҳеч қачон унинг сотиб юборилишига ҳам, ким биландир алмаштирилишига ҳам йўл қўймайман”. Балки сиз бунинг ажабланарли жойи йўқ, деб ўйлагандурсиз. Аммо Гвардиола Лионел Месси, Иниеста ёки Хави ҳақида гапирмаганди. У Дани Алвес ёки Серхио Бускетсни, ё бўлмасам Сеск Фабрегасни назарда тутмаганди. Бу сўзлар Хавиер Маскерано ҳақида эди. Ва бу сўзлар қуруқ гап эмасди. Гвардиола нима деётганини жуда яхши биларди.

Ҳаётда қувонч кетидан нохушлик соядек эргашиб юради. Кечагина майдонда футбол ўйнаб турган навқирон йигит бир лаҳзада ҳаёт билан видолашади. Кечагина боши узра кубок кўтарган футболчининг нафақат карьераси, ҳаёти қил устига келиб қолади. Аммо шу ҳолатда ҳам улар жамоадошлари, ҳамкасбларини ҳаётда илдамлашга чорлайдилар. Футбол ҳам ҳаёт. У майдонда яшайди, мухлислар қалбида яшайди. Демак ўша юрак хуружи туфайли бу оламни тарк этган футболчи ҳам, саратон дардидан ўз фаолиятини якунлаш хавфида қолган футболчи ҳам футболда, мухлислар қалбида мангу яшаб қоладилар. Майдондаги ҳамкасблари эса уларнинг ҳаёти учун – мухлислар қалбидаги ва ўз хотираларидаги ҳаётлари учун курашадилар. Ҳақиқий футбол манашундай ўйин.

<p> "Барселона" майдонда мўъжиза кўрсатишда давом этяпти. Бу лаҳзалардан баҳра олиш керак, дўстлар! Енгил ҳаракатлар, тезкор комбинациялар, футболчиларнинг вазиятни ва бир-бирларини ҳис этиши... Уларнинг футбол воситасида бундай гўзаллик яратишларидан фақат ҳайратда қолиш мумкин. Улар футболдаги Бетховен, улар футболдаги Микеланжело, улар футболдаги Шекспирдирлар! Бири пасларни ноталарга теради, бирининг оёғи мисли мўйқалам - ажойиб суратлар чизади, бири эса футбол фалсафасини ҳаётий фалсафага айлантириб асарлар битади.

Ла Лигада интрига янада кучайди. Орадаги тўрт очколик фарқ “Барса” олдига чемпионатнинг қолган барча ўйинларида ғалаба қозониш талабини қўяди. Агар 10 очколик фарқ пайтида бундай босим бўлмаган бўлса, энди бор. Чунки “Реал”нинг яна бир очко йўқотиши каталонияликлар қўлига чемпионлик тақдирини туҳфа этади. Туҳфага эга чиқиш учун эса қаршисидан чиққан каттаю кичик клубларни очкосиз қолдиравериши лозим.

Эрик Абидал яна жарроҳлик столига ётаяпти. Бу сафар унинг жигари алмаштирилади. У энди футболга қайтадими-йўқми номаълум. Аммо бир нарса маълумки, у футболга жуда кўп нарса берди. "Барселона"нинг олтин давридаги муҳим фигуралардан бири сифатида тарихга кирди. Яна бир нарса маълумки, у ажойиб инсон. Буни унинг фикрларидан, қилаётган ишларидан билиб олиш қийин эмас. Анча аввал мазкур блогда Эрик Абидал ҳақида мақола чоп этгандик. Уни бугун яна такрорлаймиз. Аввал ўқиганлар қайта таъсирланишини, ўқимаганлар эса Абидал ҳақида кўпроқ тасаввурга эга бўлишини истаймиз. Animo Абидал!

Ҳафтасига учта ўйин ўтказаётган жамоага жисмоний жиҳатдан оғир бўлади. “Милан” билан кечган қийин ўйинлардан кейин Ла Лигада жон сақлаб қолишни аҳд қилаган жамоага қарши ўйнаш ҳақиқий синовдир. Қолаверса, “Сарагоса” тайёргарлик учун кўпроқ вақтга эга бўлди. Бу ўйингача улар “Валенсия” ва “Атлетико”ни ҳамда “Спортинг Хихон”ни мағлубиятга учратгани ҳурмат билан қараш лозим бўлган рақиб эканликларини исботловчи бир омил эди.

“Милан” билан биринчи ўйиндан кейинги шарҳда қуйидаги фикрларни билдириб ўтгандик: “Санчеснинг "Милан" дарвозабони томонидан тўхтатиб қолиниши бош ҳакам томонидан эътиборсиз қолдирилди. Яна бир вазиятда Пуйол рақиб дарвозасига зарба бераётганда унинг футболкасидан яққол тортиб қолинди. Яхшиямки, бу ҳолатлар "Милан" фойдасига ҳал этилди. У тезда унитилади ва кўп тўхталиб ўтирилмайди. Агар "Барса" дарвозаси олдида рўй бергандами, кўрардик маш-машаларни. УЕФА, Платинидан тортиб, ЮНИСЕФларгача ёдга олинарди :))”.

“Барселона” кетма-кет бешинчи йилдирки, Европа чемпионлар лигасининг ярим финалига йўл олди. Бу билан Гвардиоланинг жамоаси мозийда “Реал” томонидан ўрнатилган рекордни такрорлади. Месси эса бу йилги Чемпионлар лигаси доирасида ўзининг 14-голини киритди.

Баҳс чорак финалнинг марказий учрашуви мақомини оқлади. Агар бошқа жуфтликларда яққол фаворитлар ажралиб қолган бўлса, бу ўйинда масалага ҳали ойдинлик киритилмади. Жуфтлик ғолиби "Камп Ноу"да аниқланади.

Қуръа ташланмасидан аввал Пеп Гвардиола чорак финалда “Милан” билан тушишни истамаслигини айтиб ўтганди. Унинг истаги амалга ошмади. Айнан “Милан” билан баҳс олиб бориладиган бўлди. Қуръанинг бундай “ҳазили”дан миланликлар ҳам хурсанд бўлмаганликлари аниқ. Бу ерда фақат мухлислар кўпроқ нарса ютишлари мумкин: кескин кураш, чиройли футбол гувоҳи бўлишади улар.

Ўн очколик фарқ олти очкога айланганидан сўнг, яна Ла Лига чемпионлиги имкониятларини чамалаш бошлаб юборилди. Орадаги фарқ етитини ташкил қилиб турган феврал ойи бошларида Карлес Решак “Барселона” ҳали имкониятни бой бермаганини, Чемпионлар лигаси плей-офф босқичи арафасида Мадрид очко йўқотишини ишонч билан таъкидлаган эди. Аммо “Осасуна” билан кечган муз жангидаги мағлубият умидларни деярли сўндириб қўйди. Гвардиола ҳам, мухлислар ҳам, мутахассислар ҳам бу даражада катта фарқнинг йўққа чиқиши қийин масала эканини тан ола бошладилар.

“Мальорка” – “Барселона” ўйинига шундай таъриф бериш мумкин. Истайдими-йўқми Гвардиоланинг ҳам, футболчиларнинг ҳам ярим хаёли “Милан” билан кечадиган баҳсга кетганди. Бундай шароитда чемпионатнинг сафар учрашувини максимал темпда ўтказиш жуда қийин кечади. “Барселона” ўзига керакли темпни белгилай олди ва ғалаба қилан қайтди.

Сўнгги ҳафтада Мадрид кетма-кет очко йўқотиб, “Барса”ни ўзига яқинлаштириб қўйди. Энди каталонияликлар хатога йўл қўймасалар ва одатда жуда қийин бўлган Мальорка сафаридан ижобий натижа билан қайтсаларгина асосий рақибини қувишда давом этишади.

Хави ўз рекордини яна янгилади, Месси “Барселона” тўпурарлари рекордини янгилади. Энди аргентиналик футболчи клуб тарихида расмий ўйинларда энг кўп гол киритган футболчига айланди.

“Барселона” ўзига ноқулай бўлган рақиб майдонидан муҳим очко билан қайтди. Учрашувга тааллуқли айрим рақамларни эътиборингизга ҳавола қиламиз.

батафсил »

Испания чемпионатида 25-турнинг марказий учрашуви Мадридда бўлиб ўтади. Мамлакатда охирги ҳафтанинг энг асосий мавзуси Гвардиоланинг келгуси фаолиятига қаратилди.  Матбуот вакиллари унинг ўрнига номзодларни ҳам топиб қўйди. Пеп эса бамайлихотир навбатдаги ўйинга тайёргарлик кўрди. Айни вақтда оғир жароҳатланган футболчилардан бошқа тўлиқ таркиб каталонияликлар мураббийи ихтиёрида машғулотларда қатнашяпти. Демак, “Атлетико”га қарши ўйин олдидан Пепда қатор тактик вариантларни қўллаш имкони бор.

батафсил »

Ҳар йил баҳор арафасида шу савол кўтарилади. Гвардиола эса узоқ ўйлаб, сўнг одатига кўра клуб билан фақат бир йилга шартнома имзолайди. Нега бундай қилади? Нега бошқа мураббийларга ўхшаб 3, 4 ёки 5 йилга келишиб қўя қолмайди? Агар у эртага 5 йиллик битим десин, Сандро Россел шу заҳотиёқ шартномани столига қўяди.

“Барселона” бошқарувига Гвардиола келиши билан ўзининг бетакрор ўйин услубини жорий қилди. Биртепар ва аниқ тўп оширишга урғу орқали мукаммалликка эришишга интилди. Бу жиҳатдан Каталония клубининг футзал билан ўхшаш жиҳатлари бор, унда майдонинг ҳар бир бўлаги беллашув учун алоҳида майдончаларга айланади.

Месси Примерадаги 200-учрашувида голлар синфониясини ижро этди. Бу кеча “Валенсия” ҳимоячилари уни тўхтатиб қола олишмади. Шундай қилиб, Леонинг Ла Лиганинг 200та учрашувда киритган голлари сони 146тага етди.

Чемпионлар лигаси плей-офф босқичининг биринчи учрашувидан яхши кайфиятда қайтган “Барселона” навбатдаги учрашувга тайёргарликни бошлаб юборади. Жамоа машғулотларидан фоторепортажни эътиборингизга ҳақола қиламиз.

Охирги уч-тўрт йил ичида “Барселона”нинг ғалабаларини кўрата олмаганлар ҳакамлар “Барселона” фойдасига қарор чиқаради деган гап-сўзларни шунчалик кўп гапиришдики, бу фикр мухлислар орасида рефлексга айланиб қолди. Рефлекс нималигини билсангиз керак. Мактаб дарслигида яхши мисоллар билан ўргатишган. Эслатаман: тажриба учун итни қоронғи хонада сақлайдилар. Ҳар сафар овқат келтирилганда чироқ ёқилади. Бу ҳолат рефлексга айланади ва энди итга овқат келтиришмаса ҳам чироқни ёқишлари билан унинг сўлаклари оқа бошлайди...

Ўйин олди превьюда тахмин қилганимиздек, “Барса” сафардан ўзига қулай ҳисобда қайтди... Менга бугун тўққиз рақами ёқди. Нега? Наҳотки англамадингиз? Топдингиз-а?! Хуллас, бу баҳсга берадиган шарҳим ҳам тўққиз қисмдан иборат. 

p> Бугун “Барселона”нинг оптимал ярим ҳимояси майдонга тушади. Хави, Бускетс, Иньеста ва Сеск Фабрегас Ла Лиганинг сўнгги турида асосий таркибга киритилмаган эди. Ўйин тизгини уларнинг қўлида бўлади.

Яқиндагина олимпиячиларимиз музли майдонда “конки учишганди”. Бу кеча “Барселона” Памплонада “чанғи учди”. Бу иккала ўйин бир-бирига ўхшаш сценарийда кечди. Иккаласида ҳам меҳмонларнинг иккита голи ҳисобга олинмади. Ўхшаш баҳсли вазиятлар, аммо бу энг муҳими эмас.

“Барселона” бу мавсумнинг илк финалига йўл олди. Қирол Кубоги баҳсларининг ярим финалида “Валенсия” мағлуб этилди.

«Барселона» ўтган йилги Қирол Кубогини қўлдан бой берганди. Бу сафар уни ютиш учун яхши имконият бор. Каталония жамоаси бу йўлда катта куч эвазига асосий рақибни чиқариб юборди, энди уни қўлга киритмаса бўлмайди. «Валенсия» ҳам жиддий рақиб. Улар ҳам бир қадам нарида турган кубокни ўзлариники қилишни истайди. Демак, суперўйин гувоҳи бўламиз.

батафсил »

Феврал ойи “Барса” учун оғир ой ҳисобланади. Бу сафар ҳам анъана ўзгармайдиганга ўхшайди. Мана, иккинчи қийин учрашувни ўтказдик. Аслида рақиб у қадар жиддий муаммо туғдиргани йўқ. “Барса” ўзига-ўзи қийинчилик туғдиряпти. Қанчадан-қанча имкониятлар голга айлангиси келмаяпти.

“Барса”нинг декабр ойидаги ҳамда январнинг иккинчи қисмидаги тиғиз тақвими ҳақида сўз юритгандик. Бу тақвим феврал ойида ҳам давом этадиган бўлди. Жамоа бундан кейин ҳам деярли ҳар уч кунда битта ўйин ўтказишда давом этади. Турнирларнинг даражаси ҳам, ундаги ҳолат ҳам, рақиблар ҳам жуда жиддий.

“Реал”га Моуриньо келмасидан аввал ҳам “Барселона” кўп бора ғалабаларни қўлга киритилган. Аммо негадир ўша ўйинлардан сўнг асосий урғу ҳакамларнинг ҳатти-ҳаракатларига қаратилмаган. Португалиялик мураббий келганидан буён бу мавзу деярли ҳар бир тўқнашувдан кейин кўтарилади. Фақатгина унинг “Реал” мураббийлигидаги биринчи учрашувида бу ҳолат кузатилмаган. Қуйида “ноҳақ ҳакамлик” уруғи қанчондан сепила бошланганлиги ҳақида сўз юритамиз.

“Реал”нинг кетма-кет мағлубиятларидан кейин кўпчилик Класикони “ўлди”га чиқарганди. Йўқ, у ўлмайди. Бу қарама-қаршилик жамоаларнинг ҳолати, имконияти ва шароитидан қатъи назар яшаб қолаверади.

Анъанага кўра бугунги Эл-класикода ҳам “Камп Ноу” ўзига хос рамзий рангларга бурканади. Мухлислар севимли жамоасини қўллаб-қувватлаш мақсадида янги мозаика ташкил этадилар.

Бир неча кун аввал айтгандим, агар нимадир кутилганидек бўлмаса, эртами-кечми бу юзага чиқади. Бу айнан ўша, “Реал” ва Мауриньо билан кечаётган ҳолат. Шу ҳолатда Мадрид матбуотининг Пепе ва португалиялик мураббийга бўлган реакциясидан бироз ажабландим. Бу – ўзларида ҳам “бўлди етар!” дегувчилар кўплигидан далолат. Энди чиқадиган кичкинагина учқун ҳам бир зумда катта алангага айланади.

“Барселона” Испания чемпионатининг қолдирилган 1-турида “Малага” меҳмони бўлди. Бу кеча Месси ажойиб голлар муаллифига айланди. Голларни томоша қилинг:

sport.es сайти “Барселона”нинг кейинги мавсумдаги кийимлари намунасини чоп этди.

Эл класикодаги ғалабадан сўнг иштаҳалар ҳам очилиб кетади. Кеча жамоа аъзолари клуб мактаби ошхонасида тушлик қилишди.

“Барселона” клубининг расмий сайти худди шундай сарлавҳа қўйди. Ҳа, туғилган кунинг билан Пеп! Сен борсанки, мухлислар футболдан завқ олмоқда. Сен борсанки, ҳимоячилар ҳужумчига айлана олишади. Сен борсанки, “Барселона” класиколар тарихидаги умумий тенгликни тиклади.

Навбатдан ташқари йиғилиш, навбатдан ташқари мажлисларни кўп эшитганмиз, энди навбатдан ташқари Эл Класиколарга ҳам кўникамиз, шекилли. Декабрдаги тўқнашувдан сўнг баҳор ойларигача Класико кўришни хаёлимизга ҳам келтирмагандик. Испания футбол федерацияси бизникилардан фарқли ўлароқ икки кучли жамоани (ўтган йилги Кубок финалчилари ёки чемпионатнинг олтин ва кумуш соҳиблари) турнир сеткасининг икки тарафига қўймаслигини унутган эканмиз. Мана, улар финалда эмас, чорак финалда тўқнаш келишди. Энди бир ҳафта ичида иккита Класико кўрамиз.

батафсил »

Январ ойининг иккинчи ярими “Барса” учун шиддатли ўйинлар тақвимини тайёрлаб қўйган. Гвардиола 15 кун ичида бешта жуда муҳим ўйинга жамоасини тайёрлаши лозим бўлади.

Испания кубоги нимчорак финали жавоб учрашувида "Барселона" сафардан ғалаба билан қайтди.

2012 йилнинг 9 январи “Барселона” учун унутилмас кунлардан бирига айланди. Бу кеча улар барчанинг диққат марказида бўлишди. Ушбу маросимдан фоторепортажни эътиборингизга ҳавола қиламиз.

Куни кеча бўлиб ўтган Барселона дербисида “тўтиқушлар”нинг мухлислари Даниэл Алвешга тўп келиб тушган вақтда маймуннинг овозини тақлид қилиб, футболчини ҳақорат қилишга уринишди. Бразилиялик футболчинининг ўзи ўйин якунлангандан сўнг бу овозларни эшитмаганини айтиб қўя қолди.

Гвардиола дерби олдидан таъкидлаганидек, ҳар йили жамоа тақвимида алоҳида ранг билан белгиланадиган уч-тўртта ўйин бор, шуларнинг бири "Корнелия"даги баҳс.

Бир вақтлар мустаҳкам учлик бўларди: Месси, Хави, Иньеста ва улар мўжиза яратардилар. Хави – майдондаги рассом, тўп воситасида аниқ чизгиларни туширади. Бу чизгилардан санъат асарлари юзага келади. Иньеста – йўлбошчиси, компас унинг миясида ишлайди. Қийин вазиятларда йўл топиш унга ҳавола, панд бермайди ҳеч қачон. Месси – футбол Моцарти. У басталаган куй – футбол шлягерларига айланиб улгурган. Улар мустаҳкам учлик эди, “кўк-аноррангли”лар ўлкасининг таянчи эди.

Хави Эрнандес: “Мен пас бераман ва ҳаракатланаман ёки пас бераман ва жойимда қоламан; ўзимни таклиф қиламан ва сенга ёрдамлашаман; сенга қарайман ва тўхтайман, бошимни кўтараман, яна қарайман ва энг аввало, майдонни очаман. Ким тўпга эга чиқса – ўша ўйинни бошқаради. Жоан Вила ва Альберт Бенайхес, Йохан Кройфф ва Пеп Гвардиолаларнинг мактаби шунақа. Бу - “Барса”.

Футболни тактик жиҳатдан мукаммал таҳлил қилиб борадиган zonalmarking.net нашри 2000-йиллар силсиласи футболни қай даражада ўзгартириб юборганини ўрганди.

Ўтган ҳафтада Виктор Вальдес Каталониянинг 2011 йилдаги энг яхши спортчиси номини олди. Шундай қилиб, клуб дарвозабони 2009 ва 2010 йилларда энг яхши деб топилган жамоадошлари - Хави Эрнандес ва  Карлес Пуйоллар қаторига қўшилди. Блогимизнинг бугунги қаҳрамони бир неча йиллардан буён жамоанинг асосий посбонлигини аъло даражада ўтаб келаётган “каталониялик Субисаррета”.

"Л’Оспиталет" дарвозасига урилган тўққизта гол “Барселона”га йил давомида киритилган голлар бўйича навбатдаги рекордни ўрнатиш имконини берди.

Қирол кубогининг навбатдаги босқичлари учун қуръа ташланди. Унга кўра, “Барса”нинг 1/8 финалдаги рақиби “Осасуна” бўлади.

Испания Кубогининг 1/16 финал жавоб учрашувида "Барселона" рақиб дарвозасига тўққизта тўп киритди. Ушбу голларни томоша қилинг.

Пуйоль, Сеск, Пике ва Фонтас жамоа номидан Вильяни кўришга борди ҳамда унга Клублар ўртасидаги ЖЧ кубогини кўтариб кўриш имконини беришди. Шунингдек, чемпионатнинг олтин медалини ҳам тақиб қўйишди. Вильяга фақат шу соврин етишмаётган эди.

Месси ҳал қилувчи ўйинларда доим етакчилигини намойиш эта олган. Жаҳоннинг амалдаги энг яхши футболчиси Гвардиола даврида 11 финалнинг 9тасида гол ура олган ва 10тасида ғалаба қозонган. Унинг финал баҳсларида киритган голлари сони 15тани ташкил этади.

"Барселона" 2011 йилни юқори нотада кузатиб қўядиган бўлди. Гвардиола бошчилигидаги жамоа тарихга янги саҳифаларни битишда давом этмоқда... Мавсумнинг якуний мусобақаси финалида муҳрланган онларни томоша қилинг!

Давид Вилья оғир жароҳатдан кейин ўзини руҳий жиҳатдан яхши ҳис қилмоқда. Буни қуйидаги расмлардан ҳам сезиш қийин эмас.

Хабарингиз бор, “Барселона” эртага Клублар ўртасидаги Жаҳон чемпионатида ярим финал учрашувини ОЧЛ ғолиби “Ал-Садд”га қарши ўтказади.

батафсил »

Яна ғалаба қозондик. "Сантяго Бернабеу" ўзимизнинг стадионга айландиёв. Бу учрашув шарҳини ёзиш шартми ўзи?

Дунё футбол ишқибозларининг камида тенг ярими бугунги “Эл класико”ни кузатиш учун экран қаршисига ўтиради. Улар орасида сизу биз ҳам бормиз. Бўлмасамчи, дунёнинг энг кучли клублари сифатида эътироф этилаётган, қолаверса, азалий ва ашаддий рақибларнинг тўқнашуви эътиборимиздан четда қолиши мумкин эмас. Балки бу учрашув “Эл класико”лар тарихидаги энг муросасиз ўйинлардан бирига айланар?!.

Хави кўк-анорранг футболкада ўзининг 14-мавсумини ўтказяпти. У 1998 йилнинг 18 августида Испания Суперкубоги баҳсида “Мальорка”га қарши ўз дебютини ўтказган ва дебютдаёқ ҳисобига гол ёзиб қўйган.

Сешанба оқшомида “Барселона” ўз майдонида "БАТЭ"ни қабул қилди ва Гвардиола давридаги 150-ғалабасига эришди.

Серхио Бускетс "Барселона" услубининг фарзанди ҳисобланса, Сейду Кейта жамоанинг "қора ишчиси" ҳисобланади. Шунинг учун ҳам бу икки футболчини Гвардиола жуда қадрлайди.

Сўнгги ҳафталар давомида дунё футболи диққат марказида яна — «Барселона» ва «Реал» ўртасидаги «Эль-Классико» — «титан»лар жанги турибди. Бугун бутун дунё футбол мухлислари икки фронтга бўлинган; барчанинг нигоҳи ушбу жамоаларнинг тўқнашувига қаратилган!..

Хавье́р Алеха́ндро Маскера́но (исп. Javier Alejandro Mascherano, 1984 йилнинг 8 июнида Сан-Лоренсода туғилган) — аргентиналик футболчи, “Барселона” клуби марказий ҳимоячиси, Аргентина терма жамоасининг марказий ярим ҳимоячиси.

  “Реал” билан бўладиган суперматчга бир ой қолганида Eurosport.ru “Барселона”нинг амалдаги ҳолатини таҳлил қилди.

Гвардиоланинг даврида барча чизиқларда кадрлар алмашинувлари, ротациялар юз бериб турди, фақатгина ўнг қанот деярли дахлсиз қолмоқда. Бу қанот тўлалигича Дани Алвешга тегишли.

“Барса” ўзининг 112 йиллик тарихида ҳеч қачон мавсумнинг биринчи 16 учрашувини бу йилги каби мағлубиятсиз ўтказмаган. Бу орада клуб музейи иккита соврин билан бойиди, келгуси ойда яна битта: клублар ўртасидаги жаҳон чемпионати кубоги қўшилиши мумкин.

"Барселона" президенти Сандро Россел клубнинг асосий таркиб футболчиларига Audi калитлари топширди.

Гвардиоланинг 200-учрашувида “Барселона” йирик ҳисобда ғалаба қозонди ва муддатидан аввал плей-офф босқичи йўлланмасини қўлга киритди.

батафсил »

Пеп Гвардиола ушбу мавсумда “Барса” футболчилари бошига тушаётган жароҳатларни сўнгги йиллардаги “катта жисмоний куч сарфи” билан боғлиқлигини таъкидлади.

20 октябр “Барселона” мухлислари учун унутилмас кун бўлди. Клуб академияси – янги "Ла Масия"нинг фойдаланишга топширилиш маросими ўтказилди.

батафсил »

“Барса” менежерлари энг кўп куч сарфлайдиган йўналишдан бири – бош жамоа учун ўзига хос “меросхўрлар”ни вояга етказишдир. Албатта, “Пеп Тим” ишчи гуруҳи Месси, Хави ёки Иньеста каби футболчилар бетакрор эканликларини билишади, аммо вақти келганда уларнинг ўрнини боса оладиган ўйинчиларни шакллантириш “Барса”нинг стратегик вазифасидир.

Жерар Пике Бернабеу (1987 йил Барселонада таваллуд топган) - “Барселона” жамоаси марказий ҳимоячиси. Клубнинг тарихдаги машҳур вице-президенти Амадор Бернабеунинг набираси.

Бу ҳикоя “Барселона”нинг шунчаки бир футболчиси эмас, ҳақиқий сардор, чинакам матонатли ва тиришқоқ инсон ҳақида. Мақола балки сизга ҳиссиётларга тўла ва лирик туюлар, кимларгадир эса жуда оддий ва бундай фидойи футболчини таърифлашга ожиз ҳикоя туюлар... Аммо қаҳрамонимизни ич-ичингиздан ҳис этиб кўринг, худдики ҳаётга шерюрак каталон кўзлари билан боққандек бўласиз. Ва мақола якунида кўз ўнгингизда оддий ва шу билан бирга, бутунлай ўзгача Карлес Пуйол пайдо бўлади.

Испания чемпионатининг навбатдаги туридан сўнг “Барселона” турнир жадвалида етакчиликни ўз қўлига олди.

Испания чемпионатининг охирги турида “Атлетико”га қарши кўрсатилган ўйин, ҳисоб (5:0) ва ниҳоят Месси томонидан киритилган голларга изоҳ топа олмаган эдим. Бунақа ўйинларни жимгина ўтириб кўриш ва ундан завқ олиш лозим, холос. Шунинг учун блогда ўша ўйин шарҳи берилмаганди.

Бугун “Барселона” Чнмпионлар лигаси гуруҳ ўйинлари доирасида ўзининг иккинчи учрашувини ўтказади. Пеп Гвардиола шогирдлари Белорусда “БАТЭ” меҳмони бўлади.

Ка́рлес Пуйо́ль Сафорка́да (исп. Carles Puyol Saforcada, кат. Carles Puyol i Saforcada) 1978 йил 13 апрелда Испаниянинг Побла-де-Сегур шаҳарчасида туғилган. «Барселона» сардори.

Афсонавий Андони Субисареттадан кейин “Барса”да талантли дарвозабонлар кам бўлмаган – Бускетс, Байя, Хесп, Рейна. Аммо уларнинг ҳеч бири ўз постини 2-3 йилдан ортиқ мустаҳкам ушлаб тура олишмаган, тез орада уларнинг ўрни алмашган. Аммо Вальдес...

“Барселона” муваффақиятларига ҳисса қўшувчи энг муҳим футболчилардан бири, шак-шубҳасиз Андреас Иньестадир. Мўъжазгина шаҳарчада туғилиб ўсган ўта камтар ва босиқ йигитча футбол юлдузлари даражасига кўтарилди. Қуйидаги мақолада Хосеп Гвардиоланинг севимли шогирди ҳақида шу вақтга қадар билмаган, эшитмаганларингиз баён этилади. Иньестани ўзингиз учун қайта кашф этасиз.

“Барса”нинг “Валенсия” билан ўйинлари йилдан йилга чемпионат безагига айланиб бормоқда. Бу ўйин ҳам истисно бўлмади. Чемпионат бошланишидан бери Гвардиола Дрим-Тим давридаги 3-4-3 схемасини тиклаб, шу асосда ўйинларни ташкил этмоқда. Бу унга марказий ҳимоячилардан максимал даражада фойдаланиш имконини беради.

Испания чемпионатининг 4-туридан (регламентга кўра 5-тур) ўрин олган марказий учрушув бугун “Месталья”да бўлиб ўтади. Айни дамда турнир пешқадами бўлиб турган “Валенсия” ўз майдонида амалдаги чемпион – “Барселона”ни қабул қилади.

Уларнинг ҳаракатини кузата туриб, бу футболчилар бутун умр ёнма-ён футбол ўйнаган деб ўйлайсиз. "Осасуна"га қарши ўйинда 8та голнинг 6таси бевосита ушбу футболчилар иштирокида рақиб дарвозасига киритилди. Испания чемпионатининг уч туридан сўнг бу икки футболчининг натижаси қуйидагича: Месси - 8 (5 гол, 3 голли пас), Фабрегас - 7 (3 гол, 4 голли пас).

Блогимизда видеолойиҳа рукнини ишга тушурдик. Эндиликда "Барса"нинг бугунги ғалабаларига ҳисса қўшаётган инсонлар ҳақида видолавҳалар бериб борамиз. Ушбу лойиҳамизнинг илк қаҳрамони - Гвардиола. Ахир бугунги "Барса"ни бу ажойиб мураббийсиз тасаввур қилиб бўлармиди...

Испания терма жамоасининг жаҳон чемпионатидаги муваффақияти мамлакат мухлисларини икки лагерга бўлиб қўйди. Айримлар, тўғрироғи, мамлакат шимолида яшовчилар Жанубий Африкадаги ғалаба каталонияликлар меҳнатлари эвазига қўлга киритилди, деган фикрдалар. Ҳақиқатанам Пике, Пуйоль, Хави, Бускетс, Иньеста ва Педро каби футболчиларнинг ғалабага улкан ҳисса қўшганларини инкор этиб бўлмайди.

Россиялик таниқли шарҳловчи Георгий Черданцев Европа Чемпионлар лигаси гуруҳ баҳслари олдидан “Ким “Барселона”ни тўхтатади, тўхтата оладими?” деган саволга жавоб излаб кўрди. Мутахассис фикрларини эътиборингизга ҳавола қиламиз.

Шак-шубҳасиз, Чемпионлар Лигасининг бугунги баҳслари ичида марказий учрашув “Камп Ноу”да, “Барселона” – “Милан” ўртасида кечади. Испания ва Италия чемпиони учрашганда барча катта-кичик сабаблар четга сурилади, принципиаллик бош планга чиқади. Демак, кескин кураш ва чиройли футбол гувоҳи бўламиз.

“Барса”да битта нохуш анъана бор. Таркиб футболчилари ўз терма жамоалари йиғинларида қатнашиб келишгандан сўнг, клуб кутилган ўйинини намойиш эта олмайди. Деярли ҳар сафар шу муаммо кузатилади. Бу сафар ҳам нохуш анъана “Барса”ни четлаб ўтмади.

Ўтган ҳафта терма жамоаларга бағишланди. Бизникилар “Пахтакор”га яна минглаб мухлисларни қайтарган ҳолда ажойиб футбол шоусини намойиш қилиб берган бир вақтда, Европада ҳам терма жамоалар навбатдаги учрашувларни ўтказди.

29 ноябр, 1899 йил. Ҳанс Гампер ўн икки нафар футбол шинавандаси билан биргаликда “Барселона” клубига асос солади. Футбол ўйини дунёнинг бу бурчагида ўша пайтда катта янгилик эди.

“Барселона” бу ҳисобда ютишни яхши кўради. Айниқса, рақиб жамоа номида “реал” деган сўз бўлса. Ўтган йили асосий рақобатчи билан ўйинда қайд этилган бу ҳисоб, кейинчалик “Реал Сосьедад”нинг бошига тушганди. Мана энди, “ВильярРЕАЛ” аяб ўтирилмади. Ўйин тафсилотларига батафсил тўхталиб ўтирмаймиз. Ўйинни кўрган ёки тафсилотларини интернет орқали ўқиб билган бўлсангиз керак. Бизнинг бу учрашув ҳақида айтар гапимиз 5та.

Ниҳоят, Испания чемпионати ҳам старт олди. Бу йил чемпионлик учун кураш ҳар қачонгидан қизғин тус олиши кутиляпти. Кеча асосий рақибимиз сафардан яққол устунлик билан уч очко олиб қайтди. Бугун “Барселона” ўзини кўрсатиши керак бўлади. Аммо рақиб жиддий – “Вильярреал”.

батафсил »

Монакода Европанинг энг нуфузли мусобақаси ҳисобланмиш Европа Чемпионлар Лигасининг гуруҳ босқичига қуръа ташлаш маросими ўтказилиб, унга кўра "Н" гуруҳидан амалдаги чемпион Каталониянинг “Барселона” клуби Италиянинг “Милан”, Белорусиясининг "БАТЭ", Чехиянинг "Виктория" жамоалари билан  жой олганидан хабарингиз бор.

Бугун Монако шаҳрида янги жорий қилинган УЕФА талқини бўйича Европанинг энг яхши футболчиси аниқланда. Унга кўра Хави ва Роналдуларни сезиларли равишда ортда қолдирган Месси янги таъсис этилган совриннинг биринчи эгасига айланди.

Эртага Монако шаҳрида УЕФА Суперкубоги учун «Барселона» ва «Порту» ўзаро куч синашади. Ушбу совринни “Порту” бир марта, “Барса” эса уч бора қўлга киритган.

Бир неча соат аввал Жоан Гампера кубоги учун ўтказилган баҳс майдон эгаларининг йирик ғалабаси билан якун топди. Учрашув ўртоқлик мақомида бўлса-да, қизиқарли кўриниш олди.

Бугун «Камп Ноу»да Гампер кубоги учун баҳс ўтказилади. “Барселона”нинг бу йилги меҳмони ва рақиби Италиянинг “Наполи” клубидир.

Каталония. Муҳташам аэропортнинг кузатиш залида сипогина кийинган аёл фарзандини бағрига босиб турибди. Уларнинг қаршисида яна бир одмигина киши бор. Бу оиланинг хайрлашаётганларини бир қарашда пайқаб олиш қийин эмас. Маъюс қарашлар, қовушмаётган суҳбат, ўнғайсиз ҳолат. Аёл дамба-дам болакайни қаттиқроқ қучади, юзларидан ўпади, унга далда беришга уринади. Ота эса фарзандининг бошидан силаганча, сукунатга чўмган.

Суперкубок финалида “Барселона”га қарши очиқ футболни танлаган “Реал” ўзи мақсадига эриша олмади, аммо мухлислар учун ҳақиқий томошани уюштириб беришди. Ҳа, гарчи доимгидек қўполликлар кузатилган бўлса-да, ўйиннинг муросасиз баҳс ва чиройли голларга бой бўлишига асосий сабабчи айнан “Реал” бўлди. Агар у ўтган йилгидек “автобус футболи”ни намойиш этганида бу каби қизиқарли учрашувлар гувоҳи бўлмас эдик.

1997 йилнинг сентябрида “Барселона” клуби скаути Родольф Боррель маҳаллий «Матаро» клуби машғулотларини кузата туриб, 10 ёшли болакайга маҳлиё бўлиб қолди. Бу жаноб шу атрофдаги болалар жамоаларини доим кузатиб борар, ёш иқтидорларни назаридан четда қолдирмасди. Ажабо, у Сескни биринчи бор кўриб туриши. Ажойиб жисмоний кўрсаткичга эга ва футболни катталардек тушунадиган бу болакай қаердан пайдо бўлди? Боррель саволига қуйидагича жавоб олди: “У азалдан шу жамоада ўйнайди”. Маълум бўлишича, скаутнинг ўтган йилги ташрифида Фабрегасни кийим алмаштириш хонасида яширишган экан...

Янги мавсумни ҳис-ҳаяжонлар оғушида кутиб олдик. Узоқ танаффусдан кейин бирданига Эл класикодан бошлаш мухлисларга ҳам осон эмас экан. Унчалик муҳим соврин бўлмаса-да, рақибнинг “Реал” экани футболни ёнбошлаб, бамайлихотир кузатиш имконини бермади.

2010/11 йилги мавсум ўтмишда қолди. 18 кун ичида ўтган тўртта класико – энди тарих. Ёзги танаффус охирлаб қолди... ва улар қайтишмоқда. Испанияда янги мавсум стартда! Старт ҳам бу йилги ёз каби қайноқ бўлиши кутилмоқда. Ахир бугун кимсан “Реал” ва “Барселона” майдонга тушиб келади. Англия футболи ишқибози ҳам, А серияю Бундес лига ихлосмандлари ҳам, ҳамма-ҳамма бугун диққат-эътиборини Испанияга қаратади. Бугун мавсумнинг илк Эл Класикоси, ўртоқлар!

Мавсум оралиғида Тиаго Алкантара намойиш этган ажойиб футбол мухлислар ўртасида тортишувларни келтириб чиқарди: “Барселона” Сеск Фабрегаснинг трансферига 40 млн. евро сарфлаши шартми? Турли футбол фалсафаларига эга тўрт нафар таниқли мураббий иккала футболчи ҳам Гвардиола жамоасида ўз ўрнини топади, деган фикрда. Радомир Антич, Хуан Мануэль Лильо, Мигель Анхель Лотина ва Эстебан Вигонинг билдиришича, Тиаго ва Сеск майдонда нафақат бир-бирларини тўлдиради, балки клубнинг юқори даражали ўйинини сақлаб қолишда ҳам жуда муҳим ўрин тутишади.

Cўнгги бир неча кун ичида “Каталония ифтихори” блоги орқали клубга оид хабарлардан ташқари Педро ҳамда Алексис Санчес ҳақидаги кичик ҳикоялар, Хавининг дурдона фикрлари билан танишдингиз. “Барселона” таркибидаги ҳар бир футболчининг ички дунёси ғаройиб. Улар нафақат майдонда, ҳаётда ҳам чемпиондирлар. Бугунги ҳикоямиз қаҳрамони – ўтган мавсумнинг чинакам қаҳрамони Эрик Абидал. Унинг кечинмаларига бир қулоқ тутинг-а, беихтиёр кўзингизда ёш қалқийди. Бунинг учун, албатта “Барселона” фанати ёки футбол ишқибози бўлишингиз шарт эмас, инсоний туйғуларингиз шунга мажбур қилади.

батафсил »

“Барселона” футболчилари нафақат майдонда, ҳаётда ҳам оригинал фикрлайдилар. Улар футболни оддий ўйин эмас, фалсафага айлантириб юборишган. Жаҳоннинг кўплаб нашрларида йилнинг энг яхши деб топилган интервьюлари айнан “Барса” вакиллари билан кечади. Қуйидаги суҳбатни ўқиб, бунга яна бир бор амин бўласиз.

Шу кунларда АҚШда машғулотлар олиб бораётган “Барселона” устози Пеп Гвардиола журналистлар учун қисқа интервью берди.

Алексис Санчесни отаси ўрнига катта қилган амакиси  Хосе  ҳаёт билан видолашув  чоғида Алексисдан онт ичишини сўради: “Бир кун келиб “Барселона”нинг кўк-анорранг футболкасида майдонга тушасан...” Санчес сўз берди. Айнан Хосе бу истедодли болакайни футболга етаклаб борганди.  

“Барселона”нинг мавсум олди йиғинларида Месси қатнашмаётганидан хабарингиз бор. У қаерда? Йўқ, дам олишда эмас. Шу кунларда Лео хайрия учрашувлари билан банд.

Педро Родригеснинг номи тарихга кириб улгурди. Унинг кўплаб голлари жамоа мухлисларига қувончли онларни бахш этган, унинг ўзига эса совринлар ва шон-шуҳрат келтирган.

Мавсумга тайёргарлик доирасидаги илк соврин қўлга киритилди. "Ауди Кап" турнирида Хави, Месси, Алвеш, Маскерано, Адриано, Милито, Пуйолларсиз иштирок этган "Барселона" ғолиблик юришини давом эттира олди.

Келаётган олти ҳафта ичида “Барселона” деярли ҳар уч кунда биттадан ўйин ўтказади.

Ўтган шанба куни Испания ла-лигаси 32-тур ўйинлари бўлиб ўтди. Барчага маълум бўлгандек ушбу турда икки азалий рақиб Сантьяго Бернабеуда яна тўқнаш келишди. Ўзи умуман 18 кун ичида бўлиб ўтадиган 4та Эль-классико олдидаги шов шувлар, турли ҳил янгилик тўғриси одамни жонига ҳам тегиб кетди. Ўз исботини топмаган янгиликлар ҳам анча мунча бўлди.

Апрель ойининг иккинчи 15 кунлиги бошланишига қадар Барселона тренерлар штаби олдида яқинлашиб келаётган 4 та “Эль-класско” олдидан бир нечта муаммоларни ҳал қилиш вазифаси турибди. Қўйилган приоритетлар, ўтказилаётган ротациялар, вақтида олинган сариқ карточкалар – буларнинг барчаси Реални ҳар бир фронтда доғда қолдириш стратегиясининг бир қисмидир.

Ҳаёт. Бу сўзга кўплаб таърифлар беришимиз мумкин. Кимдир уни гўзал дейди, кимдир бешафқат, кимдир мактаб дейди, яна кимдир синов дейди, ҳуллас ҳар ким ўзидан келиб чиқиб таъриф беради. Ўйлаб қарасак барча таъриф тўғри.

Сўнгги пайтларда клуб атрофида бўладиган баҳс мунозаралар бироз камайгандек. Умумий кўринишда фарқи нима ким асосий таркибда ўйнашидан Бускетсми ёки Маскерано, ёки Херард Пикенинг трибунада ўтирганда писта чақишни хуш кўриши ёхуд унинг Колумбиялик поп-юлдуз Шакира билан ишқий муносабатлари-ю, шу муносабат билан Колумбия билан бўлган ўртоқлик учрашувида Пикени Колумбиялик мухлислар “ўзига ҳос” равишда олқишлашганлиги. Хаммаси умумий хисобда унчалик бахс-мунозарага сабаб бўладиган воқеликлар эмас чамамда.

Одатда майдонда ҳаракат қиладиган 11 футболчидан кўпроқ хужумчилар ва дарвозабонлар кўпроқ эътиборга тушишади. Сабаби оддий: хужумчи гол уради, тўпурар бўлади. Дарвозабон эса ажойиб сейфлар билан тўпни қайтаради ёки аксинча ахмоқона голларни ўтказиб юборади. Лекин яна бир хақиқат борки, майдонда асосий ишни қилишади-ю лекин баъзида кўзга кўринмайдиган инсонлар ҳам бор.

Марокаш давлати қадим қадимдан ўзининг юқори сифатли апельсинлари билан машҳур бўлиб келган. Ўрта асрларда қироллар, олий табақа вакиллари, зодагонлар, ҳозирги кунда эса махсус олий мартабали кечалари дастурхонида албатта Марокаш апельсини бўлиши шарт. Чунки бу махсус апельсин нави бўлиб фақат Марокашдагина ўсади ва дунёнинг бошқа хеч қайси бир мамлакатида бундай апельсин нави бўлмайди.
батафсил »

Атлетик билан бўлиб ўтган ўйин билан Барселона клуби 2010 йилни якунлади. Охирги икки ой жуда позитив тарзда ўтди деб бемалол айтиш мумкин, нафақат ўйин сурати ва эҳтирослар, балки рақамлар ҳам шуни акс этиб турибди.
батафсил »

Ассалому алайку ҳурматли сайт фойдаланувчилари.
Сизларни Каталониянинг ифтихори саналмиш Барселона ФК блогида қарши олишимдан жуда ҳам мамнунман.
Албатта мен учун бундай имкониятни яратиб берган uff.uz сайти ижодкорларига алоҳида миннатдорчилик билдирмоқчиман.
батафсил »