Э-почта:
Парол: Қайднома
Парол тиклаш
18.05.12 16:00   Олий лига     Нефтчи -:- Шўртан 19.05.12 23:45   Чемпионлар лигаси     Бавария -:- Челси

Хабарлар



Хабарлар архиви




Зафар Қосимов

Футбол сўқмоқларида ...


trace

САВОЛ: Ассалому алайкум!
Бу кетишда УТЖни хам Абрамов ихтиёрига беришса керак. Сизнинг бу масаладаги фикрларингиз? балки хакикаттан хам Абрамов бошкарганлиги тугри булар.
ЖАВОБ: Ваалейкум ассалом!
Агарда ўсмирлар терма жамоасини ҳам Абрамовга беришса, бошқа мураббийлар нима қилишади. Абрамов ҳамманинг нонини яримта қилиб ташлайди-ку)))
Абрамов руҳан анча бақувват мураббий бўлса-да, зиммасидаги масъулиятни ошираверса, эртага ҳиссий заҳираси тугаб қолиб, ишга бўлган иштиёқи сусайиб кетиши аниқ. Шундай бўлгач, мана шу ўсмирларни Абрамовсиз амаллаб турган маъқул, деб ўйлайман.

Жавоб берилган сана: 08.08.2011 18:34

Uzbek-ronaldo

САВОЛ: Salom Зафар Қосимов. futbolchilarimizning maoshlari ochiq oydin bo'lishi kerak degan jurnalistlar qatoriga kirasmi yo'qmi?
ЖАВОБ: Ҳа, албатта. Қачонгача Европага хавас қилиб юрамиз.

Жавоб берилган сана: 03.07.2011 19:01

maurino

САВОЛ: ПАхтакорни дабдаласини чикаришди Ассалому алайкум Зафарака бу Самуэл бн Равщанларни кантроль киладиганларам борми ёки пахтакор уларникими отасидан колганми шунча йиллаааааар утиб кетди лекин улар пахтакордан кетмади нима килишмокчи улар пахтакорни янги рахбарият ва тренер керак равшан умуман тренермас анивуниси рахбармас рахбар тренерликка бурнини тикиши керакмас Евстафеев мексикадан келиши билан пахтакорни унга топшириш керак тубидан янгилаш керак айтишадику "янги кон"керак Пахтакор ХАЛК ЖАМОАСИ 2ласи Дабдала килишди Пахтакор Санланикимас Пахтакор Бунёдкор ёки Насафмас пул хисобига кеча тугилган бугун бор эртага йук Булиб кетадиган Азгина инсофлари булса 2ласига ХАЙР!!!!
ЖАВОБ: Ваалейкум ассалом. Сизни тўғри тушунаман. Суйган жамоанг ёмон натижа кўрсатиб турганда, мухлиснинг асаби жойида бўлмаслиги аниқ. Шундай экан, сизга сабр тилашдан бошқа иложим йўқ.
Ҳозирча "Ёш футболчилар билан ижобий натижаларни қўлга киритиб келаётган Равшан Ҳайдаровнинг фаолияти жамоа раҳбариятини тўла қаноатлантирмоқда". (расмий хабардан). Умид қилиб турайликчи, яхши бўлиб қолар.

Жавоб берилган сана: 03.07.2011 19:06

national___uz

САВОЛ: Салом! Агар ник базадан учирилган булса, уша никни тиклашни иложи борми. Худди шу никни рег утказсам, "у ник эгалланган" демокда. Мани никим бесабаб учирилиб кетди. Шу масалада ёрдам беришни иложиси борми?
ЖАВОБ: Салом! Шу савол билан Азиз аканинг конференциясига кириб, у кишининг ўзларига мурожаат қилганингиз маъқул.

Жавоб берилган сана: 03.07.2011 19:02

maurino

САВОЛ: ассалому алайкум Зафарака яхшимисиз кечаги усмирларнинг уйинини кургандирсиз манимча Евстафеев уйин тактикасини узгартирмаслиги керак эди осиё чемпионатида киска пас 2та канот химоячилари хужумга кушилиши уйин зур ташкил килинганди кеча длинный пас бн уйнади тугри хаво иссиклигидандир балки майли Аббос бн Сардор тушса хаммаси жойига тушар
ЖАВОБ: Ваалейкум ассалом. Менимча Евстафеев жамоасига чизиқларни боғлаб турадиган, марказда туриб, ўйинни бошқариб борадиган футболчи етишмади. Гапингиз тўғри, Аббос билан Сардор ўйинга тушса, катта ўзгариш бўлиши керак.

Жавоб берилган сана: 21.06.2011 14:53

15-iyyul

САВОЛ: moboda milanga muhlislik qilmesimi?
ЖАВОБ: Менинг одатим шундайки, клубларга эмас, футболчиларга персонал тарзда мухлислик қиламан. Роналдо (бразилиялик), Зидан, Макманаман, Эффенберг. Ҳозир ўйнаётганлардан Рибери, Баллак, Бензема, Роналдиньо, Анри, Ўзил, Насри... Бу рўйхатни узоқ давом эттирса бўлади. Яхши томони, бир жамоанинг ўйинини бир ҳафта кутмайман, ҳар ҳафта мен учун қизиқ бўлган бир нечта учрашув бўлиб ўтади )))

Жавоб берилган сана: 21.06.2011 14:57

doniyor_1628

САВОЛ: Ассалому алайкум. Оддий футбол мухлиси сифатида футбол учрашувларини (миллий чемпионатлар, ЧЛ, ЕК, ЖЧ, ОЧЛ ва хакахо) кайд этиб борадиган дастур борми. Дастурни сайтга жойлаштирса мухлислар учун хам яхши булар эди. Жавоб учун олдиндан рахмат.
ЖАВОБ: Ваалейкум ассалом.
Берган саволингиз техник бўлимга оид бўлгани сабабли, уни сайтимиз дастурловчиси Шерзод Қосимовга етказдим. Агарда ўн-ўн беш кунлар ўтгач, яна мурожаат қилсангиз, бу борада аниқ жавоб бўлади.
Савол учун раҳмат.

Жавоб берилган сана: 18.06.2011 12:08

Kerio

САВОЛ: Табриклайман Зафар ака! Хеч качон чарчаманг...
Савол: Футболга нима учун кизикасиз(оддий сузлар билан кизикишингизни ифодаласангиз, илтимос? Яна бир савол бу фамилияда юриш канчалик шараф, айникса футбол олами ичида;)
ЖАВОБ: Раҳмат табрик учун. Чарчамасликка ҳаракат қиламиз.
Авваломбор саволга жавоб беришда куттириб қўйганим учун узр сўрайман. Шунчаки ҳозир иш жуда кўпайиб кетди. Таҳририятдаги ҳамма компьютер банд. Фақат газета ва сайт учун ишлашга тўғри келяпти.
Футболга нима учун қизиқишимни билмайман, тўғриси. Болалигимда акаларим, қариндошларимиз футбол томоша қилганларини эслайман. Ўшанда энди эсимни таниб келаётган эдим ва барча қатори ўтириб, тушунмасам ҳам футбол томоша қилиб ўтирардим.
Кейинчалик "Пахтакор" ўйнайдиган кунлари молни вақтли қайтариб олиб келадиган бўлдик. Ёшлигимизда мол-ҳолларга қараш, уларни айлантириб, ўтлатиб келиш менга юклатилган эди. "Пахтакор" собиқ СССР чемпионатида қатнашарди. Эрта кундан уйга қайтиб келиб қўярдим. Ўша вақтлардан буён футболга қаттиқ қизиқаман.
Фамилиямга келсак, бу борада ёшлигимдан кўп ҳазил қилганлар. Футбол оламида эса, кўп ҳам эътибор беравермайдилар. Мен оддийгина бир мухбирман, Миржалол ака эса буюк футболчи. Шундай экан, фамилиямиздан бошқа ҳеч қандай ўхшаш жой йўқ.

Жавоб берилган сана: 17.06.2011 16:33

ZUHRIDDINIO

САВОЛ: Hayrli tong akam shu nimaga muxammadjon abdullayevni termaga olishmagani sababini batafsil bilmoqchidim agar ayta olsalaring
ЖАВОБ: Салом. Саволингизга кечикиб жавоб бераётганим учун узр сўрайман.
Евстафеев кетиш олдидан уюштирилган матбуот анжуманида Муҳаммаджон Абдуллаевнинг таркибга киритилмагани сабабларини айтиб берганди. Яъни, Муҳаммаджон қишки машғулотлар даврида иштирок эта олмаган. Бундан ташқари, тайёрланиши лозим бўлган хужжатлар борасида ҳам совуққонлик қилган ва ўз вақтида тақдим этмаган. Ниҳоят барча хужжатлар тайёр бўлганда, терма жамоа таркиби ФИФАга жўнатиб бўлинган эди. Улгура олмай қолгани сабабли, футболчимиз Мексикага бора олмай қолди.
Аммо, таъкидлаш лозим, Муҳаммаджонда иқтидор борасида муаммо йўқ. Умид қиламиз, келгуси мусобақаларда у терма жамоа таркибида ҳаракат қила олади. Ахир ёшларимизнинг фаолияти фақатгина Мексика билан чекланиб қолмайдику. Келажакда бўладиган мусобақаларда Муҳаммаджон ҳам терма жамоа шарафини ҳимоя қилишига ишонаман.

Жавоб берилган сана: 19.06.2011 18:19

Plaza

САВОЛ: Ассалому алайкум Зафар ака! Кон-янгиз очилганидан жуда хурсанд бўлдим. Кон-янгиз мақолаларингиз сингари ҳаммабоп бўлади деган умиддаман.
Савол: нега биз катта Терма Жамоалар билан ўртоқлик ўтказа олмаймиз?
ЖАВОБ: Ваалейкуа ассалом. Тилак ва табрикларингиз учун раҳмат.
Катта терма жамоалар билан ўртоқлик учрашувлари ўтказиш учун фақат иккита йўл бор. Биринчиси — ёки улар билан тенг савияда, кучли ўйин намойиш этадиган, номдор жамоа бўлиш керак. Ёки, пулини тўлаш керак.
Биз биринчи йўлдан бора олмаймиз. Сабаби оддий, ўзимизни ҳар канча ишонтирмайлик, Осиё Кубогидаги натижани пеш қилмайлик, афсуски сиз айтган Терма Жамоалар бизни ҳозирча писанд қилмайдилар. Бунинг учун ҳеч бўлмаганда Австралиядан бу қадар йирик ҳисобда мағлуб бўлмаслигимиз керак эди. Хатто Украинага қарши ўтказилган ўртоқлик учрашувида ҳам, рақиб жамоа мухлислари бизни очиқчасига менсимадилар. Шунингдек баъзи футболчилари ҳам (Воронинни ўша гапларидан сўнг ёмон кўриб қолганлар сирасига мен ҳам кираман).
Шундай экан, фақатгина пул тўлаб, ўртоқлик учрашуви ўтказиш имконияти бор бизда. Аммо, ўша пулнинг ўзи йўқ-да ))).
Демак, биз энди фақатгина жаҳон чемпионатига чиқишга ва у ерда ўзимизни кўрсатишга ҳаракат қилишимиз керак. Ўшандагина биринчи тоифадагиларга бироз бўлсада яқинлашиб оламиз ва кейин мазза қилиб ўртоқлик ўйинлари ўтказиб юраверамиз. Унгача ўртоқлик учрашувларини фақат сафарда ўтказиб туришга тўғри келади, шекилли ))).

Жавоб берилган сана: 18.06.2011 12:17

_Atomium_

САВОЛ: Ассалому алайкум!
Зафар ака уфф.уз даги энг яхши журналсит (қолганларни хам хурматини жойига қўйган холда). Мақолаларизга гап йўқ. Айниқа давлат тили хақидаги мақолангиз ажойиб чиққанди. Кейинги фаолиятингизда омад, конференциянгиз ва блогингиз серташриф бўлиб файзи қолган блоггерларга хам хавас бўлсин деб қоламан. фақат илтимос, буни аввал хам сўраган эдим: сайтни хар хил ноинсоний сўзлардан иборат комментлардан химоялашаг жонбозли кўрсатсангиз, бу футбол сайти, одам анатомияси сайти эмас...
ЖАВОБ: Ваалейкум ассалом. Тилакларингиз учун раҳмат, лекин мақтовни жуда ошириб юборибсиз. ))) Ўзимни бунчалик деб ҳисобламайман.
Сайтдаги ножўя гаплар борасида шуни айтишим мумкинки, аввалдан бу борада мурожаатлар кўп бўлган. Биз ҳам имкон қадар курашмоқдамиз. Лекин тан олиш керак, бу муаммо ҳамма жойда ҳам бор. Ёмон одамлар ҳам, яхшилари ҳам ҳамма жойда топилади. Яқин кунларда айнан шу иллатга қарши янги чоралар кўришни мўлжаллаб турибмиз. Ўзгариш бўлиб қолар.

Жавоб берилган сана: 18.06.2011 12:05

maurino

САВОЛ: ассалому алайкум яхшимисиз сизга омад Абрамов бугун машал радиосида олимпиада 2008га чиколмаганини" биз шу вактгачаям чикмагандик бу катастрофамас" деб оклади шунга ухшаш гапни 2010 ЖЧга чиколмаганимизда алишер никинбаев хам айтуди улар уйлаб гапиришадими жавобгар одамлар хам шунака дейдими ахир бу КАТАСТРОФА булмаганми
ЖАВОБ: Ваалейкум ассалом. Омад тилаганингиз учун раҳмат.
Абрамовнинг "Машъал" радиосида айнан нима деганини эшитмадим. Бироқ, бу мураббийдан шундай гап чиқиши мумкинлигига ишонаман. Аввал бир футболчини космосдан ҳам топа олмаганини даъво қилиб, кейин ҳазиллашгандим, дейиш — Абрамовга ҳос ҳислат. Шундай экан, унинг бу гапидан ҳам ҳайрон бўлмаслик керак.
Алишер Никимбаевнинг гапларига келсак, расмий мутасаддилар ҳеч қачон бундай демасликлари керак. Ахир Инилеев ҳам ҳар қанча яхши мураббий бўлмасин, биргина ўша машҳур жумласининг ортидан қанча маш-маша келиб чиққанини яхши биламиз-ку. Менимча, футболимизнинг ишонган одамларидан бундай гапнинг чиқишининг ўзиёқ — "катастрофа" бўлади. Буни бошқача айтиш мумкин эмас. Масъулиятни ўз зиммасига оладиган одам, баҳона қилишни эмас, натижа учун жавоб беришни билиши керак.

Жавоб берилган сана: 18.06.2011 11:12

allmaksud

САВОЛ: Ассалому алайкум! Зафар ака сизни конференцияда куриб турганимиздан жуда хурсандмиз. Ака сурбетлигим учун узр, минг бор узр.
Ака сизнингча Абрамов бутун халкимизни(яъни футбол мухлисларини) ягона(бошкаси бир пул) орзуси булган ЖЧга олиб чика оладими. Балки чет элдан юксак тажрибага эга булган яъни ЖЧ мазасини тотиган бирор бир мураббийни олиб келиш керакдур. Жавобингиз учун олдиндан рахмат. Яна бир бор узр.
ЖАВОБ: Ваалейкум ассалом.
Вадим Абрамовнинг терма жамоамизни жаҳон чемпионатига олиб чиқа олиишга ишонаман, десам алдаган бўламан. Шундай бўлишига фақатгина умид қилиб турибман.
Чет элдан мураббий олиб келиш керак... эди. Ҳали Осиё Кубоги ўйинлари ўтмай туриб олиб келиш керак эди. Энди кеч бўлди, шекилли. Сабаби, Вадим Абрамов мураббий сифатида ўзини кўрсата олди — яъни натижа қилиб берди. Энди уни алмаштириб бўлмайди, нима бўлган тақдирда ҳам, ўзини кўрсатишига имкон беришга мажбурмиз.
Бироқ тан олиш керка, айнан мана шу мураббий қўл остида футболчиларимиз ўз кучларига бўлган ишончга эга бўлдилар. Абрамовда яхшигина руҳшунослик ва педагоглик қобилиятлари бор. Русларда "золотая серединка" деган нарса бор, яъни "олтин оралиқ" деган маънони беради. Педагог ўз ўқувчилари билан дўстона муносабатда бўлиши ва шу билан бирга тарбиячи ва бола ўртасида бўлиши лозим бўлган масофани сақлаб қола олиши керак. Ана ўша нарса "олтин оралиқ", дейилади. Абрамов футболчилар билан бўлган муносабатида айнан шу нарсага эриша олган.
У авваллари қатъиян ман қилинган нарсаларга осонлик билан рухсат бериб юбориши ва шу билан бирга мураббий сифатида ўз ғояларини футболчиларга сингдира олиши ҳам мумкин. Уларга талаб қўя олади. Абрамовда яна бир зўр қобилият бор, у билан бир марта гаплашиб кўрган одам дарҳол буни илғаб олади. Яъни, уни гап билан ушлаш жуда қийин, ҳар қандай ҳолатдан ҳам осонлик билан чиқиб кетади ва бу ишни хотиржамлик билан, ортиқча зўриқишсиз амалга оширади. Юзида ортиқча ҳаяжон аломатларини кўрмайсиз, ҳар қандай баёнотни ҳам жиддийлик билан беради.
Бу жиҳатлари унинг ўзига бўлган ишончи юқори эканини кўрсатиб туради. Айнан шу нарсани футболчиларга ҳам сингдирган. Ишонаманки, эртага Бразилия терма жамоаси билан ўйнашга тўғри келиб қолган тақдирда ҳам, Абрамов футболчиларимизни ўйинга руҳан яхши тайёрлай олади. Аммо...
Вадим Абрамовнинг мураббий сифатида битта айби бор. Терма жамоа ўйинида мутаносибликни йўлга қўя олмаяпти. Ҳимоя эвазига ҳужумни кучайтириш — вақтинчалик чора экани тобора ойдинлашиб бормоқда. Балким кучсиз жамоалар билан бўладиган ўйинларда бу камчилик билинмас, аммо бирор ўзгариш қилинмайдиган бўлса, ҳал қилувчи учрашувлар ўтадиган охирги босқичда бизга жуда қийин бўлади, жуда қийин. Ёмон томони, агарда шундай бўладиган бўлса, ўша вақтда бирор нарсани ўзгартиришга ҳам кеч бўлади.
Ростини айтсам, у ёғига нима бўлишини ўйлагим ҳам келмаяпти.

Жавоб берилган сана: 18.06.2011 11:59

дил

САВОЛ: Ассалому алайкум.Саволим нотугри булса узр сурайман. Мен Фаргонаданман. Икки йил олдин бизнинг Нефтчи стадиони капитл ремонт булиши айтилган эди. Лекин халигача хеч кандай узгариш умуман йук. Илтимос савлга тулик жавоб беринг.
ЖАВОБ: Ваалейкум Ассалом. Узрга ҳожат йўқ, жуда тўғри савол бергансиз. Лекин унга жавоб бериш учун Фарғонага махсус командировкага бориб келишга тўғри келади-да. )))
Лекин гапингиз тўғри, бу ҳақда тўлиқ маълумотни қандай қилиб бўлмасин ундиришимиз керак. Бош мураббий Юрий Вазгенович Саркисян билан унча-мунча телефон орқали гаплашиб турамиз. Ҳозир ҳам саволингиз борасида аниқ жавоб олиш учун чиқиб кўрдим, банд экан. Кейинроқ яна уриниб кўраман. Кутиб турсангиз, Худо хоҳласа бу борада Чемпионнинг янги сонигами, ёки УФФ.Уз сайтигами бирорта материал тайёрлармиз.
Фарғонадаги ўйингоҳни таъмирлаш борасида - 19 январда футболнинг моддий техника базасини яхшилашга доир қўшимча чора тадбирлар тўғрисида чиқарилган қарорда ҳам алоҳида банд бор. Шундай экан, қандай қилиб бўлмасин, бу борада ишлар бошланиши керак. Мана Наманганда ва Бухородаги ўйингоҳларда таъмирлаш ишлари бошлаб юборилди. Ажаб эмас, сизларда ҳам тез кунларда иш бошланса.
Агарда тўлиқ жавоб бера олмаган бўлсам, узр сўрайман. Боя айтганимдек, бироз кутиб туриншингизга тўғри келади.

Жавоб берилган сана: 17.06.2011 16:45

GUARDIOLA1978

САВОЛ: Мексикада буладиган мусобакада грух боскичидан сунг уйга кайтиши аниклигини хаммамиз биламиз лекин барбир яхширок натижага умид килаверарканмиз !!!! Грухда хеч булмаганда 3 уринни эгаллашимиз мумкинми ?
ЖАВОБ: Мен бундан яхшироғига умид қиляпман. Умид энг охирги бўлиб ўлади, дейдилар...

Жавоб берилган сана: 17.06.2011 11:18

trace

САВОЛ: Зафарбой айтингчи нега иктидорли ёш футболчиларимиз кейинчалик йуколиб колишмокда?(Зейтуллаев ва бошкалар)
Жавобингиз учун рахмат.
ЖАВОБ: Бу муаммо футболимиз танасига шу қадар чуқур ва ич-ичига қадар сингиб кетганки, ҳар қанча гапирсангиз ҳам кам. Хатто футболимиздан анча эрта чиқиб кетган Пятницкий ва Кечинов сингари ўйинчилар ҳам эрта синиб қолишган. Нима учун?
1. "Ёш сурдириш" касаллиги. Маълумки бунда "ёш ва иқтидорли" футболчи аллақачон фаолиятининг энг чўққисига чиқиб улгурган бўлади. Кўрсатадиган барча нарсасини кўрсатиб бўлган, биз эса "ёш" футболчидан яна-да кўпроғини кутамиз. Аммо, унинг бошқасига қурби етмайди. Бўлгани шу.
2. Нопрофессионаллик. Футболчиларимизда интизом масаласи жуда оқсайди. Оқибатда номи чиққан ёш спортчилар носпортча ҳаёт тарзини олиб борадилар ва натижада синиб қоладилар. Бу қандай рўй беради. Тушунтиришга ҳаракат қиламан.
Бразилиялик Роналдо деган футболчи бор, биласиз-а? Бу футболчи Марадонани ҳам, Пелени ҳам ортда қолдириб кетиши мумкин эди. Аммо ўзи ярим йўлда қолиб кетди. Жароҳатлар таъсирида. Ким айбдор? Ўзи!
Сабаби у машғулотларда тўлиқ қатнашмади, кечаларни тунги барларда кайфу-сафо остида ўтказди. Натижада оғир ва масъулиятли учрашувларга жисмонан тайёр бўлмай тушаверди. Иқтидор ўз йўлига, аммо инсоннинг тана мушаклари ҳар қандай оғирликни ҳам кўтаравермайди. Оқибатда бирдан зўриқишга дучор бўлган бечора тизза мушаклари, пайлари узилиб кетди. Агарда Роналдо машғулотларга масъулият билан ёндошганда, учрашувларга тўлиқ тайёр бўлиб тушганда, ундан яна-да кўпроқ нарсани олган бўлардик. Очиғини айтаман, у футболга хиёнат қилди. Ҳар ҳолда мен шундай деб тушунаман. Бундай иқтидордан охирги томчисига қадар фойдаланиш керак эди.
Бизнинг иқтидорлар ҳам кўп ҳолларда шундай аҳволга тушиб қоладилар. Балким ҳаммаси ҳам эмасдир, балким ҳақиқатан ҳам баъзилари кутилмаганда оғир жароҳатга дучор бўлгандирлар. Аммо ораларида сигарет, нос чекадиганлари, тортинмасдан спиртли ичимликлар истеъмол қиладиган ва кайфнинг бошқа турларидан фойдаланадиганлари ҳам етарлича.
Савол учун сизга ҳам раҳмат.

Жавоб берилган сана: 17.06.2011 16:59

estoca

САВОЛ: матбуотдан ташқари бошқа ишларим ҳам бўлгани сабабли, қулай фурсат кутиб юргандим.
-------------------------
Boshqa faoliyat?Futbol jurnalistikasi bu hobbimi yoki asosiy ishingiz?
ЖАВОБ: Аввал ҳам асосий ишим эди, фақат ундан бошқа юмушларим ҳам бор эди. Мактабда ишлардим. Энди бундан бошқа ишимнинг ўзи қолмади, шекилли. Ҳар ҳолда тўлиқ газета ва сайтдаги ишимга ўтишни кўзлаб турибман.

Жавоб берилган сана: 17.06.2011 11:20

Roni-Brazil

САВОЛ: Ассалому алайкум!
Насафнинг Шўртан устидан 5-0 ҳисобида ғалаба қозонгани, Шўртан клубининг охирги вақтларда самарасиз ўйин кўрсатаётганлигига футбол мутахассиси сифатида нима сабаб деб бўлмоқда деб ўйласиз?
Иккинчи савол нима учун Бақоев айнан Қозоғистонда тўпурарликка даъвогарлик қила олади, Ўзбекистон клубларида бунақа самарали ўйнай олмайди? Сизнинг фикрингиз?
ЖАВОБ: Ваалейкум Ассалом.
1. Бунинг сабаблари бир нечта. Биринчидан — мураббийлар савиясидаги фарқ. Ҳар ҳолда Анатолий Демьяненко Украина футболида суяги қотган инсон, Киевнинг "Динамо" клубида ҳам мураббийлик қилган. Шундай бўлгач, унинг тажрибаси Гессникидан юқори эканига шубҳа йўқ.
Иккинчидан — "Шўртан" ўтган йилги мавсумни ҳақиқатан ҳам яхши ўтказа олди. Шу сабабли, бу йилги чемпионат бошланиши олдидан клубда ҳаддан ортиқ кўтаринкилик, эйфория пайдо бўлди. Аксинча, қолган клублар авваллари "Шўртан"га қарши учрашувга у қадар жиддий тайёрланмаган бўлса, энди тиш-тирноғи билан қаршилик кўрсатиш учун тушмоқдалар. Чемпионат ўйинлари бошлангач, "Шўртан"га қарши жиддий кураш бошланди ва жамоа кетма-кет омадсизликларга учрайвергандан сўнг, одатда ҳар қандай кўтаринкиликдан сўнг пайдо бўладиган тушкунлик ҳукм сура бошлади, деб ўйлайман. Айнан шу нарса ҳам охирги мағлубиятга сабаб бўлган бўлиши керак. Бироқ, ишонаманки, Ғузорда яратилган шароит билан ҳали жамоа ишлари ўнгланиб, бу йил бўлмаса келаси йилда "Шўртан" яна юқори ўринларга даъвогарлик қила бошлайди. Бу йилги мавсумда олий лигада қолишига эса, сўзсиз ишонаман.
2. Қозоғистон чемпионати ўйинлари кўпроқ жисмоний кучга асосланиб ўйналади. Ён қўшниларимиз тактик ва техник жиҳатлардан кўра, жисмоний тайёргарликка кўпроқ эътибор қаратадилар. Бундай футболда бирозгина техник маҳоратга эга бўлган футболчилар ҳам тез кўзга ташланадилар. Улуғбек Бақоев, Жаъфар Ирисметов каби жисмонан ва техник жиҳатдан бирдек кучли бўлган ҳужумчилар эса қозоқлар учун ноёб топилма ҳисобланади.
Аслида Улуғбек нафақат Ўзбекистонда, балки Россияда ҳам бемалол ўйнаб кетиши керак эди. Унинг ёшлигидаги салоҳияти бемалол шундай қилиш имкониятини берадигандек туюлган эди. Нима учун ўхшамаганини тўғриси ўзим ҳам тушунмайман.

Жавоб берилган сана: 18.06.2011 11:31

otash_forlan

САВОЛ: ассалому алейкум ака. манга шу Мексикада бувотган жахон чемпионатида бизани йошлани имкониятлари канака диб уйлисиз?
ЖАВОБ: Тўғрисини айтсам, имкониятлар ҳақида фақатгина таҳминий жавобларни айтишим мумкин. Йигитларимизнинг нималарга қодир эканликларини Тошкентда ўтказилган ўйинларда кўрганмиз. Рақиб тўғрисида эса, фақат шуни биламанки, АҚШ КОНКАКАФ чемпиони бўлган, Янги Зеландия эса — Океания. Шундай экан, бу жамоалардан ҳар қандай ўйинни кутса бўлади. Бунинг устига, Янги Зеландия терма жамоасининг жаҳон чемпионатидаги ўйинларини ҳали унутмаганмиз. Мундиалдан бирорта ҳам мағлубиятсиз қайтиш — жуда ва жуда катта натижа. Ёшлари ҳам катталарига ўхшаган бўлса...
Бунинг устига, Янги Зеландия терма жамоаси ЖАР-2010га чиқишда бизнинг қўлимиздан келмаган улкан бир ишни — Баҳрейн терма жамоасини мағлубиятга учратишни уддалай олган эди...
Чехия терма жамоасига эса, Евстафеевнинг ўзи катта бахо берган эди. Шундай экан, кутамиз, натижа қандай бўлар экан.
Аммо, бу гапларимдан асло руҳимизни туширишимиз керак, демоқчи эмасман. Ҳар ҳолда биз ҳам анойилардан эмасмиз. Умид қиламизки, АСҚАР ТОЛИБЖОНОВ ва Алексей Евстафеевлар рақиб устидан ғалаба қозониш усулини топа оладилар. Шунингдек, ёрдамчи мураббий Аҳмаджон Мусаев ҳақида илиқ гапларни эшитяпмиз. Ҳозирча биздан талаб қилинадигани ишонч. Қолганини ўйинлар бошлангач кўраверамиз.

Жавоб берилган сана: 17.06.2011 11:14

allmaksud

САВОЛ: салом братан. сиз хам колган иштирокчиларга ухшаб саволларимизга беъэтибор буладиган булсангиз яхшиси бу конференцияда иштирок этманг.
ЖАВОБ: Салом братишка, деб бошлашим керак эдию, майли шунчаки салом деб қўя қоламан. ))) Шундай деб айтган ҳам бўлардиму, ёшингизни билмайман-да. )))
Имкон қадар барча саволларга жавоб беришга ҳаракат қиламан.

Жавоб берилган сана: 16.06.2011 13:38

 

 1  2  »  



Чемпионатлар






HAMKORLARIMIZ XABARLARI

Uff.uz promotion

РЕГИСТРАЦИЯ »

KO'PROQ KO'RSATISH »


© "Football Media Star" МЧЖ. 2006-2012.
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуҳлар амалдаги қонунчиликка биноан ҳимояланган.
Дизайн: www.uff.uz
Ўзбекистон матбуот ва ахборот агентлигидан 0441-сонли гувохнома билан рўйхатдан ўтган.
Топ рейтинг сайтов в Tas-IX