18 май, жума | Русский
| 18.05.12 16:00 Олий лига Нефтчи -:- Шўртан | 19.05.12 23:45 Чемпионлар лигаси Бавария -:- Челси |
Олимхўжа Бўронов
Отабек Эшмаматов
Санъат Шарипов
Усмон Ибодов
Зафар ҚосимовКиритилган вақти: 15.05.2012 19:21
Киритилган вақти: 16.05.2012 13:13
Киритилган вақти: 17.05.2012 16:54
Киритилган вақти: 16.05.2012 18:53
Киритилган вақти: 17.05.2012 16:12
Сўроққа айланган ундов! |
||
| Рукн: Янгиликлар » ЎЗБЕК ФУТБОЛИ | ||
“Олимпия терма жамоамизни бугун умуман танимадим….” Кўпчилик мухлислар кеча Ироққа мағлубиятга учраганимиздан сўнг шу фикрни билдириб ўтдилар. Нега танимайсиз? Яхшилаб қаранг, бу ўша ўзимизнинг йигитлар-ку! Чойхонада ош еб катта бўлган, анҳорларда чўмилиб, офтобда тобланган азаматлар… Тўп тепиб, озгинагина халқнинг назарига тушганидан сўнг, ўзларини машҳур ҳис қилиб, “савлат” тўкиб юрган “ўғлонлар”! Дубайдаги денгиз бўйларида, муҳташам меҳмонхоналар ёнида расмларга тушиб, кейин бу расмларни “Одноклассники” тармоғига жойлаб, вақт ўтказишни ёқтирадиган шунқорлар… Ҳа, энди кечаги ўйинда озгина “эркалик” қилишди-да! “Нима бўпти” лақабли бегемот” мультфильмида айтади-ку: “Озгинагина мақтана қолса, нима бўпти?!” Футболчиларимиз биз мухлислар учун “чиройли” ўйин намойиш этиб беришга ҳаракат қилишди. Бир биридан ажойиб “финтлар”, тўпни қулай вазиятда турган шеригига оширмай, узоқдан йўлланган “гўзал” зарбалар... Ўзбўлармонлик! Маҳалла футболи тили билан айтганда “Единал”! Терма жамоамиз аъзолари шарҳловчимиз Мурод ака Ризаев айтганларидек, “ўйинни кузатишга келган кўплаб европалик скаутлар”нинг эътиборига тушишни хоҳлашгандир балки?.. Аммо европалик скаутларнинг назарига тушиш эвазига, ўз мухлисларининг назаридан қолиб кетишни ўйлашмади, шекилли… Нима бўлганлигидан қатъий назар, менга бу ҳолат жуда таниш. Футболимизга мухлислик қилганимдан бери мана шундай ҳолатларни кўриб, катта бўлганман. Биз учун ҳеч қачон ҳеч қайси мусобақа саралаши силлиқ кечмаган. Ўзимам “ҳайрон” бўлаётгандим. Нима учун ҳамма ишларимиз яхши кетаяпти деб… Биз ўзбек футболи мухлислари бунга ўрганмаганмиз-да! Нима эмиш, саралаш баҳслари тугашидан икки тур олдин биз ўз гуруҳимизда пешқадам бўлиб олганмишмиз-да, энг яқин таъқибчимиз биздан уч очко ортда қолаётганмиш… Тағин, тўпларимиз нисбати ҳам ҳаммадан яхшимиш! Нимаси қизиқ буни? Ҳаммаси, очиқ-ойдин, ҳаммаси оппо-осон! Ҳа, бундай гуруҳимизда чигал вазият юзага келмайдими, очколар сони-ю тўплар нисбати айқаш-уйқаш бўлиб кетмайдими, биз мазза қилиб ҳисоб-китоб қилиб ўтирмаймизми! Раҳматли Ҳожибой Тожибоев тили билан айтадиган бўлсак: “Жанжалсиз ўтган тўй тўйми?! Бир бирингни солмайсанми, тўй қизимайдими бундоқ?” Олимпиячиларимиз Олимпиада йўлланмасини олдиндан ҳал қилиб қўяётгандек туюлгани учун, саралаш мусобақалари қизимаётганди бизга... Ахир, ўзбек мухлислари ҳар доим халқаро мусобақалар саралашларида турли вазиятларга тушавериб, қийин ҳисоб-китобларни бошдан ўтказавериб ўрганиб қолишган, журналистларимиз салкам “олий математика бўйича фанлар номзоди” бўлиб кетишган бўлса! Биз “алгоритм” тушунчасини жорий этган Ал-Хоразмийдек математикларнинг авлоди бўлсак! Ал-Фарғоний бобомиз Нил дарёсининг чуқурлигини аниқ ҳисоб-китоб қилиб берганда, терма жамоамизнинг гуруҳдаги вазиятини таҳлил қилиш бизга “чўт” бўлибдими? Ҳаммаси биз учун жуда оддий ҳал бўлаётганига ФИФАнинг ҳам ғаши келди, шекилли, БААга очко қўшиб, вазиятни бир оз қийинлаштириб берди. Буям бизга кам кўринди. Ахир, сўнгги турларда тақдиримиз фақат ўзимизга эмас, гуруҳдаги бошқа рақибларимиз қайд этадиган натижаларга ҳам боғлиқ бўлишига кўникиб қолганмиз-да! Шу боисдан ҳам кеча Абрамов бошчилигидаги олимпиячиларимиз вазиятни буткул мушкул ҳолатга олиб келиб қўйишди. Ана бўлмасам! Ана энди мазза! Ана энди “хотиржам” ўтириб, “мириқиб” ҳисоб-китоб қиламиз! Хўш, бошладик бўлмаса… Агар бугун БАА ютадиган бўлса, ютганда ҳам, йирик ҳисобда ғалаба қозониб, ўз дарвозасидан тўп ўтказиб юбормаса, охирги турда Тошкентда биз ҳам уларни йирик ҳисобда мағлубиятга учратишимиз керак бўлади. Вазифа қалай, зўр-а? Агар Австралия ғалаба қозонадиган бўлса, биз ўз майдонимизда БААни исталган ҳисобда мағлубиятга учратишимиз кифоя қилади. Сўнгги тарда БАА билан дурангга эришадиган бўлсак ҳамда Австралия у ёқда Ироқни мағлубиятга учратса, учта жамоада ҳам очколар сони 9тага етади. Бундай ҳолларда энг аввало тўплар нисбатига қаралади. Агар бугун БАА Австралия билан дуранг натижа қайд этса, БААда 9 очко, Австралияда 4 очко ҳосил бўлади. Биз эса Тошкентда БААдан уч очко олиб, ўзимиздаги 8 очкога қўшиб олсак, олам гулистон! “Намасте, Лондон” буёғи! Ҳа-я, айтганча, гуруҳда иккинчи ўринни эгаллайдиган жамоа ҳам Лондон чиптасини қўлга киритиш учун ҳаракат қилиб кўради. Учта гуруҳда иккинчи ўринни эгаллайдиган жамоалар нейтрал майдонда (Вьетнамда) ўзаро баҳс олиб боришади. Ғолиб жамоа Африканинг Сенегал олимпия терма жамоаси билан “бирга-бир” баҳсга чиқади. Ана ўша ўйинда ҳам ғалаба қозонса, кейин… Жуда қийин-а? Қўшиламан. Лекин бу варианти ҳам ёддан чиқармаслик керак. Агар бугун БАА ғалаба қозонса ҳамда сўнгги турда биздан мағлубиятга учрамаса, биз ўша гуруҳда иккинчи ўринни эгаллайдиган жамоага айланамиз. Хуллас шунақа гаплар… Ҳисоб-китобларни ўқиб, мазза қилдингизми? Терма жамоамизнинг аввалги саралашларидаги вазиятлар кўз олдингизга келиб кетдими? Ўшандаям мана шундай ҳисоб китоблар билан кун қандай ўтганини билмай қолардик. Олимпиячиларимизга катта “раҳмат”! Бизни зерикишдан “қутқаришгани” учун! Ёқубжон Бобожонов P.S.: Эътиборингизга сайтимизнинг “отахон”ларидан бири бўлган BISKAT никли юзеримиз ижодларидан бир шингил ҳавола қилмоқчимиз: Нима қилса кеча ўша Ироқ қилди, Манба: www.uff.uz
|
||
|
Ўқилган: 10244.
Фикрлар: 0.
Сана: 02.22.2012 16:02.
|
||
|
|
YURGEN_GEDE
JEKI_CHAN
EL_MADRIDISTA_ & MASKA
Рустам Қўчқоров
Бобур Мирзо|
|
|