Хабарлар

  • Uzbek Tigers мусобақа жадвалида кескин юқорилади ёхуд гуруҳдаги вазият шарҳи

  • Рукн: Янгиликлар » UFF.UZ — СПОРТ
  • Халқаро ҳаваскор боксчилар уюшмаси – AIBA томонидан ўтказилаётган The World Series Boxing (WSB) - Бутунжаҳон бокс серияларининг VII мавсумида кескин ва муросасиз курашларга бой бўлмоқда.

    Айниқса, мусобақанинг "С" гуруҳидан бокс ривожланган мамлакатлар жамоалари - Ўзбекистоннинг "Uzbek Tigers", Хитойнинг "China Dragons", Россиянинг "Patriot boxing team" ва Қозоғистоннинг "Astana Arlans Kazakhstan" боксчилари жой олгани жангларнинг кескин ва муросасиз ўтишини таъминламоқда.

    Энг кучли ва мураккаб дея эътироф этилган бу гуруҳда тўртинчи турдан сўнг вазият тубдан ўзгарди. "Uzbek Tigers" жамоаси дастлабки икки турдаги кутилмаган мағлубиятдан сўнг учинчи турда ғалаба қозонганига қарамай, тўртинчи тур олдидан ҳам сўнгги поғонани эгаллаб турганди.

    Ўзбек боксчилари тўртинчи учрашувда ҳам ҳақиқий қудратини намойиш этиб, биринчи турдаги Хитойдаги мағлубият тасодиф эканини исботлади. Айниқса оғир вазнли боксчиларимиз Бектемир Мелиқўзиев ва Баҳодир Жалоловнинг рақиблари жангни охиригача етказолмади. Кетма-кет иккинчи учрашувда 5:0 ҳисобида зафар қучган "ўзбек йўлбарслари" очколари сонини олтитага етказиб олди ва бу "Uzbek Tigers"ни сўнгги поғонадан иккинчи ўринга олиб чиқди.

    Тўртинчи турдан сўнг "С" гуруҳида қуйидаги вазият юзага келди. "Astana Arlans Kazakhstan" жамоаси кетма-кет тўртта ғалабадан сўнг 12 очко билан биринчи ўринни эгаллаб турибди. Қозоғистонликлар тўртта учрашувдаги 20 та жангдан 16 тасини ўз фойдасига ҳал қилди. Мутахассислар "Остона бўриларини" кейинги турда жиддий рақибга дуч келишини таъкидлашди. "Astana Arlans Kazakhstan" жамоасининг ғалабали серияси 1 апрель куни Тошкентда "Uzbek Tigers" боксчилари томонидан тўхталиши кутилмоқда.

    Тўртинчи тур олдидан тўрт очко билан иккинчи ўринда турган Россия жамоаси кетма-кет икки учрашувдан бирорта очко жамғара олмади. Бунинг оқибатида "Patriot boxing team" боксчилари ўз ўрнини ўзбекистонлик чарм қўлқоп усталарига бўшатиб берди.

    "Uzbek Tigers" боксчиларидан йирик ҳисобда мағлубиятга учраган "Хитой аждарлари" эса гуруҳ аутсайдерига айланиб қолди. Хитойлик боксчилар 20 та жангдан атиги тўрттасида ғалаба қозонган ва 16 тасида мағлуб бўлган.

    Ниҳоят, кетма-кет 5:0 ҳисобидаги ғалабадан сўнг "Uzbek Tigers" сўнгги поғонани хитойликларга қолдириб, иккинчи ўринга кўтарилиб олди. Ҳамюртларимиз тўртта учрашувда ўтказилган 20 та жангдан 13 тасини ўз фойдасига ҳал қилган. Бу кўрсаткич бўйича ҳам боксчиларимиз гуруҳда иккинчи ўринни қайд этган.

     

    Жамоа

    очко

    ютуқ

    мағлубият

    дуранг

    1

    ASTANA ARLANS KAZAKHSTAN

    12

    4

    0

    0

    2

    UZBEK TIGERS

    6

    2

    2

    0

    3

    PATRIOT BOXING TEAM

    4

    1

    3

    0

    4

    CHINA DRAGONS

    3

    1

    3

    0


    WSB турнири қоидаларига кўра, 12 жамоа учта гуруҳда ўзаро рақобатлашмоқда. Ҳар бир гуруҳдан энг юқори икки поғонани эгаллаган ва энг яхши кўрсат кичга эга бўлган бир жуфт учинчи ўрин соҳиби кейинги босқичга чиқади.

    "Uzbek Tigers" боксчилари 1 апрель куни бўладиган бешинчи тур учрашувини Тошкентда гуруҳ пешқадами "Astana Arlans Kazakhstan" жамоасига қарши ўтказади. Мазкур баҳс нафақат гуруҳнинг балки бу йилги мавсумнинг марказий учрашуви бўлади.

    Ҳозирда "Uzbek Tigers" боксчиларида мусобақанинг плей-офф босқичига чиқиш учун жуда қулай имконият юзага келган. Боксчиларимизга омад ва ғалабалар тилаймиз!

  • Манба: www.sports.uz   

  • Ўқилган: 8601. Фикрлар: 0. Сана: 20.03.2017 11:35.

МАВЗУГА ОИД БОШҚА ХАБАРЛАР

Чемпионатлар

A - Гуруҳи

Жамоа Ў О
1 Португалия 3 7
2 Мексика 3 7
3 Россия 3 3
4 Янги Зеландия 3 0

B - Гуруҳи

Жамоа Ў О
1 Германия 3 7
2 Чили 3 5
3 Австралия 3 2
4 Камерун 3 1

Блоглар

SARA FIKRLAR

14.06.2017 10:40
SER11

Мана буни хакикий муъжиза деса булади, аммо уни биз эмас бизга яратиб берди Оллохим.
Эсласангиз биринчи муъжиза куръа ташланганда булган эди - биз хаёт гурухига тушган эдик. Иккинчи муъжиза биз Сурияга ютказганимизда, Жан. Корея хам 3 очко йукотган эди. Мана сизга 3- муъжиза - Катар оркали бизга тортик килинди. Омад дегани шу булса керак. Лекин омад омадлиларга келади. Бабаян омадлими? Йук, биз мухлислар омадлимиз, чунки Бабаян узининг "энг кучли" таркиби билан келган омадларни бирин кетин кукка совуриб булди. Биз унга булган ишончни бутунлай йукотиб булдик (мен аллакачон йукотган эдим). Майли чика олмайлик, лекин бу Бабаянсиз булсин.
2,5 ойдан ортик вакт бор.
- Вакт етарлими?
- Бабаянсиз етарли!
Мана сизга бугунги кун шиори:

Хайр Бабаян!
Салом Россия -18!

14.06.2017 09:54
Пахтакор

Футбол тизимида расмий иш юритаётган ОАВ мард ходими борми? Шу пайтгача мухлислар томонидан, футболга умуман алоқаси бўлмаган шоуменлар томонидан, қолаверса айрим бир МТЖ аъзоси хисобланган футболчилар томонидан гапирилаяпти: тренерни алмаштирилиши, янги қон кераклиги, тизимни ўзгартирилиши хақида. Лекин бирон бир ОАВ ходими Ўша МТЖ тренерларидан, УФФ бошлиқларидан интервью шу пайтгача олингани йўқку?!?!

14.06.2017 02:35
UZNASAF

Биз футболимизга юрагимиздан жой берганмиз, мухлисмиз. Терма жамоа саралашни ажойиб натижалар билан бошлаганда, стадионда жўр бўлиб мадҳиямизни куйладик. Бу манзара футболга, ватанга бўлган ҳиссиётларни юзага чиқарганди! Вақт ўтиши билан терма жамоамиз аъзолари ва Бабаян учун ўтиб бўлмас синовлар юзага келди. Эрон билан ўйинда бирортаям зарба бера олмаган жамоага ким ҳам маъқул фикр билдира оларди? Ислоҳотлар керак футболимизга. Энг аввало Бабаянга ўхшаган инсонларни умуман тозалаш керак ўзбек футболидан. Ҳаром ғалабалар орқали Пахтакордек
жамоани шарманда қилган бундай орсиз одамга ҳам олимпия, ҳам МТЖни топширишнинг оқибатлари аён бўлди.


UFF.uz. "Football Media News" MChJ, 2016 yil
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.
Дизайн: www.uff.uz
Расмий хабарларда ва блогларда кетган маълумот - мақолаларга муаллифлар ва блоггерларнинг ўзлари масъулдирлар.
Яндекс.Директ тизими осон бўлиши учун фойдаланувчи компьютеридаги қизиқиш ва изланишларга оид "линк"ларни кўрсатади.
Реклама қилинаётган маҳсулотлар ва хизматлар турлари лицензия ва сертификатларга эга.