• Барча учрашувлар
  • Эртага

Хабарлар

  • «Бабаян истеъфога чиқадими?», Диёр Имомхўжаевдан аччиқ ҳақиқатлар ёхуд «Эрудит Спорт»да ўқинг!

  • Рукн: Янгиликлар » ЎЗБЕК ФУТБОЛИ
  • Мамлакатимизнинг етакчи спорт нашрларидан бири «Эрудит Спорт»нинг 14 июнь, пайшанба куни сотувга чиқадиган янги №48-сони анонси билан қисқача таништирамиз. Одатдагидек, газетанинг №48-сонида ҳам долзарб мавзулар кўтарилган. Айниқса, терма жамоамиз ва Бабаян мавзусига катта урғу берилган.

    «МАҒЛУБИЯТГА КИМ АЙБДОР?»

    Газетанинг кириш қисмидаги 2-саҳифада журналист Диёр Имомхўжаев ўз мақоласи билан чиқиш қилиб, Эрондаги мағлубиятли ўйин сабаблари ва умуман Самвел Бабаяннинг фаолияти ҳақида ёзади:

    «…Матбуот анжуманларининг бирида Бабаян журналистларни футболни тушунмасликда айблаганди. Бугун ўша журналистлар у футболни қандай тушунишини кўриб турибди. Биз ишонч билдирмаган, биз танқид қилган ва биз очиб берган масалалар Бабаяннинг оёғига болта бўлганини ҳамма кўрди. Мана энди савол: футболни аслида ким тушунмайди?» — дея ёзган Диёр Имомхўжаев ўз мақоласи давомида.

    Ушбу мақоланинг ёнгинасида эса Бабаяннинг терма жамоада қолиши ёки истеъфоси борасида фикр юритилган.

    ХАЙРУЛЛА ҲАМИДОВ МИЛЛИЙ ТЕРМА ЖАМОА ТАҚДИРИ ҲАҚИДА

    Таниқли журналист Хайрулла Ҳамидов ҳам Эрондаги қониқарсиз натижа ва нурсиз ўйиндан кейин газетада чиқиш қилиб, миллий терма жамоамизнинг кейинги тақдири ҳақида таъсирли мақола эълон қилган.

    ҲАММАСИ АНДРЕЕВДАН БОШЛАНГАНДИ… ЁХУД МАҒЛУБИЯТНИНГ 5 САБАБИ

    Журналист Ўткир Жалолхонов Эрондаги мағлубиятни таҳлил этиб, жамоамиз муваффақиятсизлигига олиб келган 5 сабабни келтирган.

    РАҲМАТ СЕНГА, ҚАТАР!

    Сешанба оқшомида Қатар термаси корейслар устидан ғалаба қозонгач, ЖЧ-2018 га бориш учун яна имконият ҳосил бўлди. Гуруҳимиздаги ҳолат ва энди нима бўлиши ҳақида батафсил ўқийсиз.

    КОНФЕДЕРАЦИЯЛАР КУБОГИГА ХУШ КЕЛИБСИЗ!

    Газетамизнинг ушбу сонида шанба куни Россия майдонларида старт оладиган Конфедерациялар Кубоги-2017 га боғлиқ барча маълумотлар, мусобақанинг юлдуз футболчилари, ўйинлари ва деворий тақвими билан танишасиз.

    ШУНИНГДЕК…

    Европа ва жаҳон футболига оид энг муҳим воқеаликлар шарҳи, трансферлар, рейтинглар, ўйинлар ва долзарб мавзулар, энг қизиқарли мақолалардан ҳам баҳраманд бўлиш имконияти сизда мавжуд.

    ДАРВОҚЕ… ДИЁР ИМОМХЎЖАЕВДАН: «ҚАСДМИ Ё ХАТО?»

    Газетани ёпиб берувчи сўнгги 48-саҳифадаги «Офсайд» рукнида Диёр Имомхўжаев «Қасдми ё хато?» мақоласи орқали Самвел Бабаян ва унинг кирдикорлари ҳақида сўз юритган.

    Мақола шундай бошланади:

    «Кимсиз ўзи? Мураббий? Менежер? Ишбилармон? Файласуф? Тадбиркор?»

    Қўрқоқсиз. Иш журналистлардан бошланганидаёқ билганман. Қўрқоқ олдиндан мушт кўтаради ва зарба тегиб қолиши мумкин бўлган нуқталарига юмшоқроқ нимадир қўйиб олади, қаттиқ оғримасин деб. Қўрқоқлик ўйин услубида ҳам намоён. Абдухолиқов айтганидек, қўрқоқроқ тактика бу. Рашидов, Аҳмедов, Жепаров, Шомуродов, Машарипов каби гол исини сезадиган футболчилар билан ҳимояга ётиб оладиган услубни кўриб келдик, Эрон дарвозасига битта ҳам аниқ зарба бермадик.

    …Афанди у. Сергеев, Ҳошимов, Андреев, Лобанов, Кримец каби футболчилар билан Жаҳон Чемпионатига чиқиш мумкин деб асосан ўзи ишонди. Бири фақат тепкилайди, бошқаси пенальти қилади, кимдир уч дақиқа чидайди, яна бири оёқлари остидан гол қўяди. Бутун Эрон Лобанов ўтказган голларни кўриб, ярим йилда ортига қайтарса, биз уни Теҳронга қайта олиб борамиз, адашган эдингиз демоқчи бўламиз ва ўзимиз адашамиз» — дея аччиқ ҳақиқатлар битилган мақолада. Буни албатта ўқишингиз шарт!

    Биз шу ерда тўхтаймиз. «Эрудит Спорт» газетасини харид қилиб, афсусланмаслигингизга кафолат бера оламиз. Газетани 15 июнь, пайшанба кунидан шаҳар ва туманингиздаги матбуот дўконлари ва хусусий газета тарқатувчилардан сотиб олишингиз мумкин. Футболга бўлган чанқоғингиз қондирилишига ишонамиз. Шошилинг!

  • Манба: www.erudit-sport.uz   

  • Ўқилган: 22034. Фикрлар: 39. Сана: 14.06.2017 19:27.

МАВЗУГА ОИД БОШҚА ХАБАРЛАР

Чемпионатлар

A - Гуруҳи

Жамоа Ў О
1 Португалия 3 7
2 Мексика 3 7
3 Россия 3 3
4 Янги Зеландия 3 0

B - Гуруҳи

Жамоа Ў О
1 Германия 3 7
2 Чили 3 5
3 Австралия 3 2
4 Камерун 3 1

SARA FIKRLAR

14.06.2017 10:40
SER11

Мана буни хакикий муъжиза деса булади, аммо уни биз эмас бизга яратиб берди Оллохим.
Эсласангиз биринчи муъжиза куръа ташланганда булган эди - биз хаёт гурухига тушган эдик. Иккинчи муъжиза биз Сурияга ютказганимизда, Жан. Корея хам 3 очко йукотган эди. Мана сизга 3- муъжиза - Катар оркали бизга тортик килинди. Омад дегани шу булса керак. Лекин омад омадлиларга келади. Бабаян омадлими? Йук, биз мухлислар омадлимиз, чунки Бабаян узининг "энг кучли" таркиби билан келган омадларни бирин кетин кукка совуриб булди. Биз унга булган ишончни бутунлай йукотиб булдик (мен аллакачон йукотган эдим). Майли чика олмайлик, лекин бу Бабаянсиз булсин.
2,5 ойдан ортик вакт бор.
- Вакт етарлими?
- Бабаянсиз етарли!
Мана сизга бугунги кун шиори:

Хайр Бабаян!
Салом Россия -18!

14.06.2017 09:54
Пахтакор

Футбол тизимида расмий иш юритаётган ОАВ мард ходими борми? Шу пайтгача мухлислар томонидан, футболга умуман алоқаси бўлмаган шоуменлар томонидан, қолаверса айрим бир МТЖ аъзоси хисобланган футболчилар томонидан гапирилаяпти: тренерни алмаштирилиши, янги қон кераклиги, тизимни ўзгартирилиши хақида. Лекин бирон бир ОАВ ходими Ўша МТЖ тренерларидан, УФФ бошлиқларидан интервью шу пайтгача олингани йўқку?!?!

14.06.2017 02:35
UZNASAF

Биз футболимизга юрагимиздан жой берганмиз, мухлисмиз. Терма жамоа саралашни ажойиб натижалар билан бошлаганда, стадионда жўр бўлиб мадҳиямизни куйладик. Бу манзара футболга, ватанга бўлган ҳиссиётларни юзага чиқарганди! Вақт ўтиши билан терма жамоамиз аъзолари ва Бабаян учун ўтиб бўлмас синовлар юзага келди. Эрон билан ўйинда бирортаям зарба бера олмаган жамоага ким ҳам маъқул фикр билдира оларди? Ислоҳотлар керак футболимизга. Энг аввало Бабаянга ўхшаган инсонларни умуман тозалаш керак ўзбек футболидан. Ҳаром ғалабалар орқали Пахтакордек
жамоани шарманда қилган бундай орсиз одамга ҳам олимпия, ҳам МТЖни топширишнинг оқибатлари аён бўлди.


UFF.uz. "Football Media News" MChJ, 2016 yil
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.
Дизайн: www.uff.uz
Расмий хабарларда ва блогларда кетган маълумот - мақолаларга муаллифлар ва блоггерларнинг ўзлари масъулдирлар.
Яндекс.Директ тизими осон бўлиши учун фойдаланувчи компьютеридаги қизиқиш ва изланишларга оид "линк"ларни кўрсатади.
Реклама қилинаётган маҳсулотлар ва хизматлар турлари лицензия ва сертификатларга эга.