18 май, пятница | Ўзбекча
| 18.05.12 16:00 Олий лига Нефтчи -:- Шўртан | 19.05.12 23:45 Чемпионлар лигаси Бавария -:- Челси |
Рустам Қўчқоров
Норбек Ниёзов
Олимхўжа Бўронов
Усмон ИбодовДата: 15.05.2012 20:04
Дата: 15.05.2012 15:55
Дата: 15.05.2012 19:25
Дата: 17.05.2012 12:09
Дата: 15.05.2012 16:40
|
|
Олимхўжа Бўронов
Футбол журналисти - омади келмаган футболчи! |
 uzprince |
САВОЛ: Olimxo'ja aka siz ham stadionga o'tgansiz.Unda chempionda kim qoldi.Bu nashrning saviyasini ko'tarishning iloji yo'qmi.Mening qalbimda chempionga nisbatan muhabbatimbaland.Bunashdan yuz o'girib keta olmayapman. |
| ЖАВОБ: Менда ҳам "Чемпион"га нисбатан меҳрим баланд. Ўзи бу газета қанақадир бошқача газета. Ҳар доим бу газетани Худо қўллаб келадигандек туюлади менга. Ажойиб йигитларнинг ташаббуси билан йўқ жойдан пайдо бўлган газета. Жуда тез кўтарилди, жуда тез обрў топди. Қандайдир ечиб бўлмас муаммога дуч келганда, ҳар сафар ғойибдан ёрдам келадида, газетани ўзини сақлаб қолади. Бу сафар ҳам шунга ўхшаш ҳолат юз бермоқда. Газетанинг янги муассислари эски ижодкорлар билан биргаликда уни юқори чўққиларга кўтаришига ишонаман. |
 barselona1998 |
САВОЛ: Ассалаума алайкум,Хурматли Олимхужа ука.Сизнинг barselona.72 почтамга мактуб ёзганингиз учун миннатдорман!Сизга саволим: Сизни "СТАДИОН" газетасига утиб кетти деб эшиттим,бирок "ЧЕМПИОН" газетасида бош мухаррир уринбосари деб ёзиб куйибди.Мен барибир УЗБЕК ЖУРНАЛИСТЛАРИНИНГ мухлиси булиб колавераман,у хатто каерда ишламасин,бари-бир.Шунга аниклик киритсангиз?Узр,лекин!Барча ЖУРНАЛИСТЛАРни ХУРМАТ киламан!Каерда булманг,ижодий ишингизга ОМАД тилайман!Сог булинг! |
|
ЖАВОБ: Ҳозирги кунда "Чемпион"да кичик ўзгаришлар бўляпти ва бу ўзгаришлар газетанинг аввалги савияга қайтишига сабабчи бўлишига умид қиламан. Вақти келиб мухлислар бу ҳақда батафсил билиб олишади. Ҳа, мен "Стадион" газетасида иш бошладим. Лекин "Чемпион"дан ҳам кетганим йўқ. "Чемпион" ва уфф.уз билан ҳар доим биргаман. "Стадион" муҳаррири Шуҳрат Шокиржонов билан эса профессионал шартнома имзоладик. Шу пайтгача "Чемпион"да фақат ва фақат меҳр туфайли ишлаб келаётгандик. Лекин, минг афсус, бу газета ортидаги, шахсий ҳаётдаги муаммоларни ҳал қилиб бермаскан. Хуллас, ҳаваскор иш юритиш тизимидан профессионал иш юритиш тизимига ўтдим, десам тўғри бўлади. Қолаверса, бу ерда ҳам собиқ чемпиончилар иш олиб боришмоқда — Ш.Шокиржонов, Қ.Асланов, М.Аъзамхўжаев, Д.Имомхўжаев, Б.Мирзаев... Лекин "Чемпион"га бефарқ қараб тура олмайман. Бу газета учун қўлимдан келган барча ёрдамни бераман ва бериб келяпман. Мен ҳам барча мухлисларни хурмат қиламан. Ўйлайманки, уфф.уз учун 6 йил, "Чемпион" учун 3,5 йил бор меҳримни бериб туну-кун хизмат қилдим. Газета ва унинг мухлислари мендан рози бўлишади, деган умиддаман. |
 Mtegra |
САВОЛ: Олимхужа ака Эрматов хакида жуда тулкинланиб гапирасизда))) 2011 йил сархисоби кетганда клубларимиздан асосан Насаф эсланади,Пахтакор ва Бунёдкорни омадсиз иштироки эсланмайди .Ущбу икки клуб мураббийларидан интервью олинганда факатгина бир суз эшитамиз: -"утган мавсумдан хулосаларни чикариб булдик,келадиган мавсумда ушбу хатоларни кайтармасликка харакат киламиз" Хар бахорда шу булар такрор. |
|
ЖАВОБ: Эрматов хакида имкон кадар тулкинланиб гапиришдан узимни тийишга харакат киламану, аммо бу хакамимиз хаммаёкда БИРИНЧИ булавергандан кейин бошка иложим колмайди-да! Айб менда эмас) "Пахтакор" (гуруҳда сўнгги ўрин) ва "Бунёдкор"нинг (нимяорак финал) ОЧЛдаги омадсизлиги ҳақида гапирилмагани билан барибир уни ҳеч ким унутиб қўйгани йўқ. Шунчаки 2011 йил давомида ўзбек футболидаги муваффақиятлар жуда ҳам кўп бўлдики, бу икки клубимизнинг ОЧЛда омадизлиги ҳақида гапиришга ҳожат қолмади. Бу икки клуб мураббийлари ва раҳбарларининг интервьюларига келсак, балки 2012 йилда ростдан ҳам тўғри хулоса чиқарилар. Ҳозирда улар ҳақиқатан ҳам таркибни кучайтиришга ҳаракат қилишмоқда. "Пахтакор"га янги мураббий келди (у темир интизомни ёқтирадиган ўхшайди), Санибал Ораховац ва бир нечта маҳаллий футболчилар олиб келинди. Яна битта осиёлик легионер қидирилмоқда. Энг асосийси, Деян Журжевич асосий МАҚСАД ОЧЛда ғолиб чиқиш эканини таъкидлади. "Бунёдкор"нинг таркиби шундоқ ҳам ёмон эмасди. Лекин нисбатан кучсиз футболчиларга рухсат берилиб, Лутфулла Тўраев, Девид Ония олиб келинди. Темур Кападзе ҳам "қалдирғочлар" билан шуғулланмоқда. Агар у ўзига янги жамоа топмаса, янги мавсумни "Бунёдкор"да бошлаши мумкин. Умид қиламиз, бу баҳор шу бўлмас такрор) |
|
Mtegra |
САВОЛ: ассалому алейкум Олимхужака ,айрим пайт уйлаб коламан бу спорт журналистларни мой мир фейсбук,"одно" даги "друзья"ларини сонини куриб савол тугилади,,билмаган одам буларни нет да утирадиган бекорчи деб уйлайди )))) |
| ЖАВОБ: Ва алайкум ассалом! Ҳа, буни тушунса бўлади. Мухлисларга "дружба"ни рад қилиб бўлмайди. Имкон қадар ҳар бир мухлиснинг саволига жавоб беришга, фикрини тинглашга ҳаракат қилинади. Лекин "друзья"лар кўп бўлгани билан уларнинг барчаси билан гаплашиб туришнинг имкони йўқ. Шундай пайтларда мухлислар тўғри тушунишса бўлгани. |
 desna |
САВОЛ: Ассалому алайкум, мен уз вактида жуда кучли футболчи болганман.Кишлок ахлининг мехрини козонганман.Асосан дорвазабон амплуасида уйнардим.Лекин афсуски,бу машхурлигимни куролмайдиганлар хам бор эди.Хаттоки тахдид ва тожовус хам килишди.ОРАДАН 17ЙИЛ утса хам мен хеч качон узимни олкишламаганман.Шу кунларда булиб утган вокеаларни жамлаб бир сериал яратсакмикан деган уй борда.Сценарий кандай езилади.кимга мурожаат килсак,балким сизнинг хам кучли карашларингиз бордир.Москвадан катта салом билан. |
| ЖАВОБ: Ва алайкум ассалом! Энг асосийси, уша булиб утганларни юракдан ёзсангиз, сюжетдан келиб чикиб уни киносценарийга айлантирадиганлар топилиши мумкин. Сюжетни яхши очиб бера олсангиз булгани. |
 uzandi |
САВОЛ: Assalomu Alekum Avvalambor aka oldindan yozuvlardagi xatolarga uzur so'remiz .Albatta jurnalist odamga savol berilyapdi .Bu narsa esa juda qiyin. Aka aytingchi bizning stodionlarda xam muhlislar Evropa muhlislari singari erkin futbo'l ko'rishi uchun "QAFASLARNI" olib tashlash vaqti kelmadimikin a? nima deysiz? CHunki o'yin vaqtida oldingda kichik bir narsa to'sib tursaxam g'ashinga tegadi. Axir rivojlanish davridamizku.!! ?? Aka oldindan katta raxmat! |
| ЖАВОБ: Ва алайкум ассалом. Тошкент дербисидаги мухлиснинг майдонга тушиб олиши, Қашқадарё дербисида қаршилик фанатларнинг "Шўртан" майдонини тўлдириб олишганининг ўзиёқ панжараларни олиб ташлашга ҳали эрта эканлигини кўрсатмаяптими? |
|
jovi |
САВОЛ: Здравствуйте уважаемый Олимхужа. Я бы хотел написать об опросе, посвященном Хасанали. Этим опросом вы разделили читателей на 2 группы: которые читают его и которые нет. До этого я не читал его статей, но услышав от знакомых футбольных болельщиков, загорелся ярым желанием прочитать все. И это неправильно устраивать опрос на сайте. Ведь многие, читающие Хасанали это пожилые люди, не умеющие пользоваться компъютером, и они не смогут проголосовать. Вобщем я хочу сказать, что я полностью за Хасанали и думаю многие меня в этом поддержат. |
| ЖАВОБ: Здравствуйте. Да, может вы прав. Но из этого опроса получили определенный вывод. |
|
Uzbek-ronaldo |
САВОЛ: salom Olimxo'ja aka. Faraz qiling sayt va gazeta bo'lindi har biriga alohida alohida boshliq bo'ldi.... sizni oldingizda tanlov bor qaysi birida ishlashni davom ettirar edingiz... ikkalasida ham maosh bir xil ikkalasida ham hozirgi qadrdonlar bor faqat ikki tomonda alohida alohida.... sayt yoki gazeta? faqat bittasi,,, |
|
ЖАВОБ: Сайт ва газетани алохида тасаввур қилиш қийин. Аммо саволингизга жавоб беришга ҳаракат қиламан. Назаримда, газетани танлаган бўлдим. Бунга 2та асосий сабаб бор: 1. Бугун кунда сайтни хар холда эплаб кета оладиган ходимлар, шогирдлар бор. Уларга сайтни ишониб топшириш мумкин. Сайт информацион характерга эга булган ОАВ булгани учун, бу эпласа булади. Бунда фақат оперативлик талаб қилинади, холос. 2. Газета эса бироз жиддий эътиборни, таҳлилни, ижодкорликни талаб қилади. Уни иши анча оғир. Шунинг учун газетадаги масъулиятни ўзимга оламан. |
 Kataloniyalik-Raqqos |
САВОЛ: Салом Олимхўжа ака газетанинг оммавийлигини кўтариш учун яхши мақолалар ёзиш керак.Чемпион газетасини 2008-йилдан 2010-йилгача ўқидим.Савияси яхши эди.Бобомурод Абдулла,Хасанали Қодировларнинг ажойиб мақолалари чиқарди.Хозирда тахлилга кўп эътибор бериляпти.Футболимизни бор бўйича кўрсата олмаяпсизлар.Сизлар 90 дақиқани ёзасизлар лекин футболда қанчадан қанча муаммолар бор.Сизга савол йўллаганларнинг 20% янги қурилаётган стадионлар хақида сўрашади,лекин жавоб йўқ.Футбол журналистикамиз футболимиздан хам анча орқада.Фикрларим оғир ботган бўлса узр жавоб берсангиз хам жавоб бермасангиз хам ўзингиз биласиз саломат бўлинг. |
|
ЖАВОБ: Салом! 2008 йилда "Чемпион" ижодкорлари сафи кенг эди. Шунинг учун газета ранг-баранг чиқарди. Бунинг турли сабаблари бор. Ҳасанали Қодиров сафимизда. Эртага "Чемпион"да Ҳасанали отамизнинг "Чориғини йўқотган ким?" номли мақоласи чиқяпти. Таҳлилга тўхталадиган бўлсам, газетамизнинг бошқа газеталардан устун жиҳати шунда бўлса керак. Бошқа газеталарда бундай таҳлилни топиш қийин. Битта нарсани ёддан чиқарманг, бизда газетадан ташқари сайтимиз ҳам бор. Бу дегани суткасига 24 соат, ҳафтасига 7 кун тинмасдан ишлашимиз керак дегани. 4-5 нафар ижодкорлар билан кундалик футбол ўйинларини ёритиб боришнинг ўзи осонмас. Қолган муаммолар, жумладан, сиз айтаётган қурилаётган стадионлар борасида ёритиш бориш учун бизда жисмоний имконият жуда ва жуда кам. Умид қиламан, молиявий имкониятларимиз яхшиланса, сафимиз кенгаяди ва имкон қадар футбол муаммоларини кенгроқ қамраб олишга ҳаракат қиламиз (бутунлай қамраб олишнинг иложи йўқ!). Футбол журналистикаси футболимиздан орқада деган фикрингизга қўшилмайман. Аксинча, футбол журналистларини фидойи инсонлар деб атаган бўлардим. Буни фақат журналистлар яхши ҳис қилишади. Оддий мисол, футбол матбуот ўзини ўзи бир амаллаб тортиб боряпти. Айтингчи, қайси футбол клуби ёки ташкилоти ўзини-ўзи молиявий томондан таъминлаяпти? |
 magnituda2 |
САВОЛ: Ассалому алайкум. Аввалари футбол унлиги (адашмасам шундай) журнал буларди... Ана шунда ижод килган журналистлардан Аваз Бердикулип, Шухрат Шариф, Бекзод Ахмаджонип, Ахбор Имомхужайип (йахши бу журналистимизни Стадийонда курип хурсанд булдим..) нгадир футбол матбуотида курмаймиз.... Калами уткир мутахассислар эди манимча.. Нима деп уйлайсиз шуларни Чемпийонга ижодий хамкорликка чакирса буладими... |
|
ЖАВОБ: Ва алайкум ассалом! Футбол ўнлиги эмас, "Кучлилар ўнлиги" деган альманах журнал чиққанди. Сиз номларини санаб ўтган журналистлар эса ФИФА журналини юритишди. Ёмон журнал эмасди, аммо молиявий жиҳатдан ўзин оқламади шекилли, ёпилди. Бу журналистларни "Чемпион"га ҳамкорлик чорлаш ниятимиз бор эди. Улардан бирини таклиф қилдик ҳам. Буни биласиз. Лекин кейинчалик, Аваз Бердиқулов ОФКга ўтиб кетди, Шуҳрат Шариф ва Бекзод Аҳмаджоновлар эса тирикчилик мақсадида бошқа жойларга ишга ўтиб кетишди шекилли. Қалами ўткир журналистларни доимо ҳамкорликка чиқарамиз. Ҳозирги кунда кучли журналистлар худди футболчилар каби камёб ҳисобланади. Бундаё иқтидорларни кашф қилсак хурсанд бўлардик. |
|
Uzbek-ronaldo |
САВОЛ: Salom Олимхўжа aka. savolim sizga og'ir botsa oldindan uzr. Ohirgi paytda Darakchi gazetasida ham intervyularingiz bosilib chiqmoqda. Bu yaxshi ammo eksklyuzivlik yo'qolmoqda... siz bunga qanday qaraysiz. |
|
ЖАВОБ: Салом! Тўғри, охирги пайтда "Даракчи" билан ҳам ҳамкорлик қиляпман. Равшан Эрматов билан уюштирган суҳбатимдан сўнг, менинг интервьюларимга қизиқиб қолишди. Саволингизни сал тушунмадим. Экслюзивлик қаерда йўқолмоқда: "Даракчи"даги материаллардами ёки "Чемпион"да? Агар "Даракчи"да бўлса, менимча, эксклюзивлик йўқолмаяпти. Чунки у газетанинг йўналиши ва ўқувчилари бошқа. |
 glory_manuted |
САВОЛ: Ассалому алейкум Устоз! жавобингиз учун олдиндан рахмат. 28 май 2011 йил куни финал. Ха Европа Чемпионлар Лигаси финали "Уэмбли"да булиб утади. Финалда хозирги кундаги ажойиб жамоалари рубару келишган: Баселона-МЮ(расман Барселона мезбон). Сиз мана шу финал уйни олдидан холисона айтинг-чи кайси жамоага ишкибозлик киласиз? Конф-яда жавоб бераёрган О.Буронов ё булмаса таникли журналист, устоз сифатида эмас, оддий футбол ишкибози сифатида кайси жамоага ишкибозлик киласиз? Илтимос очикрок ва кенгрок жавоб берсайиз(купчилик мавхум, саволга савол билан жавоб беришга харакат килишади) |
|
ЖАВОБ: Ва алайкум ассалом! Оддий мухлис сифатида "Барселона"га мухлислик қиламан. Буни яшириб ўтирмайман. Мессининг иқтидорига тан бермайдиган футболга алоқаси бор инсоннинг ўзи бўлмаса керак. Иккинчи томондан, "Манчестер Юнайтед" ҳурматга лойиқ жамоа. Финалда "Барса" ўз услубини ўзгартирмайди. Агар МЮ рақибига қарши тактика топиб, уни ютиб кетса, Сер Алексга қойил қолардим. |
 zidane-5 |
САВОЛ: Олимхужа ака УЗБЕКИСТОН ФУТБОЛ ФЕДЕРАЦИЯСИ га хат ёзмокчи эдим манзилини биласизми.интернетдан эмас.оддий хат (конвертли) |
|
ЖАВОБ: ЎЗБЕКИСТОН, ТОШКЕНТ ш. 100011, ЎЗБЕКИСТОН кўч. 98/А. ТЕЛЕФОН: (+99871) 2441684 ФАКС: (+99871) 2441683 E-MAIL: info@the-uff.com |
|
ICOBEK |
САВОЛ: Ассалому алайкум. Олимхўжа ака "Чемпион" газетасини интернетдаги сайтини хақида маълумот берсангиз. |
| ЖАВОБ: Ва алайкум ассалом! "Чемпион" газетасининг интернетдаги расмий сайти мана шу Uff.uz бўлади. Аниқроғи, Uff.uz сайтининг расмий газетаси - "Чемпион" бўлади. |
|
zidane-5 |
САВОЛ: Олимхужа ака бизда хам Букмекерлик ташкилотлари борми.шу хакда маьлумот берсангиз |
| ЖАВОБ: Бизда Букмекерлик ташкилотларининг фаолияти таъкикланган. |
|
zidane-5 |
САВОЛ: АССАЛОМУ-АЛАЙКУМ ОЛИМХУЖА АКА.НИКОЛАЙ ШИРШОВ ХАКИДА УМУМАН МАЬЛУМОТ БЕРИЛМАЙ КОЛДИ.ХОЗИР КАЙСИ ЖАМОА САФИДА ТУП СУРЯПТИ ШУ ХАКИДА БИЛАСИЗМИ |
|
ЖАВОБ: Ва алайкум ассалом! Николай Ширшов ҳозирги кунда Россия иккинчи лигаси вакили "Таганрог" клубида ўйнаяпти. Ҳали фаолиятини тугатмаган. Ушбу футболчи ҳақида яқинда сайтимиз блоггери Юрген Геде мақола ёзганди. Бу мақола билан танишиб чиқишни маслаҳат бераман. http://uff.uz/blogs/author/YURGEN_GEDE/articles/788 |
 nodirbobo |
САВОЛ: Assalomy aleykum Olimxuja aka. Sizdan futbol bashorati xaqida suramoqchi edim. Reyting tezroq yangilasa yaxshi bulardi va bu yili kubok uyinlarini xam qo'shish niyyatingiz bormi xarqalay viktorina yanayam qizigan bulardi. Bilaman sizlarda vaqt masalasi asosiy muammo prosta rejalaringiz haqida qiziqayotgandim. Raxmat |
|
ЖАВОБ: Ва алайкум ассалом! Футбол башорати тур уйинлари тугаган захоти рейтинг жадвали янгиланади. Ва ушу захоти кейинги тур уйинлари сайтга куйилади. Бундан ортик тезлик булмаса керак? Кубок уйинларини эса уйлаб курамиз. Назаримда, Кубок уйинларини чорак финалдан бошлаб Футбол башоратига киритсак керак. |
 oqsoqol1 |
САВОЛ: Ассалому алайкум! Сиз мабода футбол газеталарининг отахони "Ўзбекистон футболи" да ишламаганмисиз. Негадир шу газетанинг тиражи камайиб ўқувчиларини йўқотиб қўйдида. |
| ЖАВОБ: Ва алайкум ассалом! Йўқ, "Узбекистон футболи"да ишламаганман. Ха, бу отахон газетанинг тиражи камайиб кетиб, ўз ўқувчиларини йўқотгани ачинарли. Иккинчи томондан, рақобат замонида яшаяпмиз. Демак, "Ўзбекистон футболи" рақобатга дош бера олмаяпти. |
 18 sector |
САВОЛ: O'zbekiston Milliy chempionatida "kelishilgan o'yinlar" sizningcha nechchi foizni tashkil qiladi? |
| ЖАВОБ: Бу хакда хеч качон аник маълумотни билиб булмайди. Лекин хар бир турда 1-2 та уйин келишилган булиши мумкин. |
|
glory_manuted |
САВОЛ: Ассалому алейкум! жавобингиз учун олдиндан рахмат! Макола деярли тайёр булаёзди. Тайёр булса айтинг-чи кайси почтага юбарсам булади? Узингизни почтангизни бера оласизми? |
| ЖАВОБ: ministry79@mail.ru |
|
glory_manuted |
САВОЛ: Ассалому алейкум! жавоб учун олдиндан рахмат! Ушбу сизни конференциягизга бир мухлис сайтда макола ёзмокчилигини ва бунинг учун нима килиш кераклигини сурабди. Биласиз хозирги кунда ёшларда умуман хаммада хар бир вокеаликка, сохага кизикиш юкори. Мен хам таклифни билдирмокчийдим карши эмасмисиз. Мен хам уз мухлислик киладиган жамоам хакида, унинг атрофидаги янгиликлар тугрисида ёзишни ёктираман. Балким хар ишни уз устаси килган маъкулдир, аммо мана шу ишимда сиз ёрдам бера оласизми? Сизни ёрдамингиз билан мухлисларбоп маколалар ёзсак нима дейсиз? |
| ЖАВОБ: Терма жамоа мураббийлари айтишадику, "терма жамоа эшиклари барча учун очик", деб! ). Яхши макола ёзишга кизикиши ва иктидори борлар учун нафакат сайтимиз очик, балки бундай иктидорларни кашф килганимиздан хурсанд буламиз. Макола (хабар) ёзиб, админлардан бирининг почтасига юборинг. У албатта сайтдан урин эгаллайди. |
 Football fan |
САВОЛ: Assalomu alaykum, Olimxo'ja aka! Avvalo, siz va hamkasblaringizga mamlakatimiz va jahon futboli yangiliklarini tez va original usulda yetkazib turganinglar uchun rahmat aytmoqchiman. Sizga taklifsimon savolim saytda berib boriladigan onlayn translyatsiyalar haqida: Translyatsiyalar deyarli har bir muhim uchrashuvlardan olib berilyapti, lekin o'ylashimcha, ular uncha-muncha kamchiliklardan holi emas. Eng asosiy kamchilik, matnlar juda qisqa va o'yinni ko'rmayotgan muxlislarga yetarli ma'lumot berolmasligi. Shuning uchun klaviaturada tezroq yozadigan kishi (ehtimol bir nechtasi - biri aytadi, biri yozadi) matnlarni kiritib borsa o'yin sharhi to'liqroq bo'lar? Oldindan rahmat. |
|
ЖАВОБ: Фикрингизга кушиламан. Мен узим жуда куплаб онлайн трансляцияларни уюштирганман. 2 соат давомида терлаб пишиб ишлайсизу, кейин узингиз ёзган нарсаларни укиб чиксангиз, етарли даражада ёритиб бера олмагандек тасавввур уйготади. Боз устига матн тераман деб уйиннинг энг кизикарли жойларини утказиб юборасиз. Бу пайтда бор эътибор компьютерга каратилгани учун, хиссиётдан ҳам узоқ буласиз. Бир томондан бу табиий холат. Дейлик, битта хужум кандайдир 5-10 секунд ичида содир бўлса, уни ёзиш ва сайтга киритиш учун тахминан 1 дақиқа кетиши мумкин. Бу пайтда эса майдонда бундай эътиборга молик вазиятлардан бир нечтаси бўлиб ўтиб кетиши ҳеч гап эмас. Баъзида телешарҳловчилар вазият кетидан "қувиб" улгуришмайдию, матн тераётганларнинг аҳволини тасаввур қилаверинг. Бир киши айтиб туриб, иккинчиси ёзиб туриши - бу ҳам бир вариант. Аммо 2 та одам ўша ўйинда майдонга тушмаган бўлсачи? Матн терувчи ҳам футбол кўргиси келади. У фақат компьютердан бош кўтармай (футбол кўрмаган ҳолда), онлайн трансляция қилишини, очиғи, тасаввур қилиш қийин. Бир марта Қаршида "Насаф" - "Ал Жаиш" (Сурия) уйинини Шуҳрат Шокиржонов билан биргаликда онлайн трансляция қилгандик. Назаримда, ўша онлайн ёмон чиқмаганди. Лекин ҳар доим ҳар бир ўйинга 2 та компьютер билан биргаликда 2 нафар мухбирни юбориш ҳар доим ҳам насиб қилавермайди. |
|
glory_manuted |
САВОЛ: яна бир бор РАХМАТ! Сиз айтганингиздек "карз икки кулдан чикади" балким. Биласизми, томошабину мухлислар орасида кизиккан-кизикмагани, укиган-укимаган, билган-билмаган, хушёр-соддалари бор тугрими. Муаллиф ана шу турли тоифадаги мухлислар бир макола ёки курсатувда жамлай олиши керакми сиз нима дейсиз? Демокчиман, журналист жамиятнинг энг куйи погонасигача кириб бориши ва ана шу катлам мухлисини узига жалб килиши учун нималарга эътибор бериш керак? |
| ЖАВОБ: Бу биргина журналистнинг ўзига боғлиқ эмас. Энг аввало бунинг учун техник ва моддий имкониятлар бўлиши шарт. Ана шундай сўнг барчанинг кўнглини олиш учун эса, қисқа қилиб айтаман, ўзи ишининг фанати ва профессионали бўлиши шарт! |
|
glory_manuted |
САВОЛ: Ассалому алейкум! Авваламбор жавоб учун рахмат(гарчи жавобсиз колган савол булса хам)! Футбол шундай бир уйинки, одамни узига "оханграбо"дай узига тортади. Баъзиларни энсаси котади "22та бекорчини битта туп оркасидан югурлашини нимаси ёкади?" дейди. Бу уйин нафакат майдонда унинг атрофидаги вокеълик хам ажойиб. Сизни айнан кизиктирган нарса нима футболда? Футболдаги кайси жараёнлар сизни калам ушлашга ундайди? |
|
ЖАВОБ: Ҳар қандай журналист ўз жамоасининг ғалабасини ёритишни истайди ва ана шу жараёндан катта роҳат олади. Худо кўрсатмасин, жамоангиз фақат ютқазаверса, ҳаммаси жонга тегиб кетади ва шартта қўлни ювиб, қўлтиққа уриб кетаверасиз. Токи, севимли жамоангизни ғалабасини чин дилдан истар экансиз, унинг ривожланиши учун қўлдан келганча хизмат қиласиз, камчиликларини айтасиз, қинғирликларини ўз вақтида тўхтатишга ҳаракат қиласиз. Демак, барча ҳаракатларнинг замирида ҒАЛАБАга бўлган хоҳиш ва интилиш ётади. Шу истак қўлга қалам олишга мадбур қилади. |
 _IBRA_ |
САВОЛ: Assolumu alaykum Olimho'ja Bo'ronov, aka uffda maqola chiqarish uchun nima qilish kerak? javob uchun oldindan raxmat. |
| ЖАВОБ: Ва алайкум ассалом! Uff.uz да мақола чиқариш учун олдин ўша мақолани ёзиш керак. КЕйин эса сайт админларидан бирининг почтасига юборинг. Ўқиб кўрамиз, маъқул келса, сайтга қўямиз. Менинг электрон почтам: ministry79@mail.ru |
|
glory_manuted |
САВОЛ: Ассалому алейкум! Узбекистонда спорт жуналистикаси кайси уринда? Агар аниклик киритадиган булсак уйинларни шархлаш жараёнида, макола ёзилаётган вактда ёки тахлилий фикрлар билдирилаётган холатда унинг ранг-баранглигини ошириш, мухлисбоп тушинарли, "кайнок-кайнок" маълумотлар билан бойитиши учун кандай имкониятларга эга хамда ана шу имкониятлар замирида муваффакиятларга эришиш хисси кай даражада? |
|
ЖАВОБ: Ҳозирги кунга келиб, умумий олиб қараганда, СПОРТ кенг йўналишлардан бири бўлиб қолди. Оддийгина футболнинг ҳозирги кундаги ёритилишидан мухлисларнинг кўнгли тўлаётгани йўқ. Спортнинг қолган турларини гапирмаса ҳам бўлади. Агар олимпия ўйинлари дастурига 40 дан ортиқ спорт турларига кирганини инобатга оладиган бўлсак, ҳеч бўлмаса, уларнинг ичида Ўзбекистонда оммалашганларини тўлақонли ёритиш учун жуда катта муаммолар борлигини тасаввур қилиш қийин эмас. Билишимча, спорт турларининг ёритилиши, шарҳланиши фақатгина шарҳловчининг ўзига боғлиқ эмас. Биринчи навбатда мухлислар томонидан ўша спорт турига катта қизиқиш бўлишига керак. Бу икки нарса бир-бирига чамбарчас боғлиқ. Дейлик, мухлисларга "қайноқ-қайноқ" маълумотларни етказиш учун мухлисларнинг ўзи уларни "ҳазм" қилиш ишқида ёниб туриши лозим. Ана шунда журналистлар ҳам мухлисларнинг талабидан келиб чиқиб, ўз ишига ёндошади. Сезишимча, Гуанжоуда ўтган Осиё ўйинлари орқали юртимизда спортнинг бошқа турларига бўлган қизиқиш ортди. Буни сайт орқали Гуанжоу янгиликларини бериб бориш орқали сездим. Боз устига, 2012 йил бўладиган Лондон олимпиадасига спортчиларни тайёрлаш бўйича ҳукумат қарори қабул қилинган. Ана шундай суратда ишлашда давом этилса, яқин йиллар ичида бошқа спорт турлари журналистикаси ҳам футбол журналистикаси каби ривожланади. Шахсан мен бунга ишонаман. |
 Milan__1899 |
САВОЛ: Konferentsiyangizdagi mavzuingizda "Futbol Jurnalisti-OMADI KELMAGAN FUTBOLCHI" ! iborasini iloji bo'lsa izoxlab bera olasizmi? Oldin futbolchi bo'lganmisiz yoki futbolchi bo'lmoqchi bo'lganmisiz? |
|
ЖАВОБ: Конференцияга ном танлашда узоқ ўйладим. "Футбол журналисти — омади келмаган футболчи" — бу менинг фикрим эмас. Бу кимдир томонидан айтилган. АФсуски, унинг муаллифини тополмадим ва эслолмадим. Лекин топиб айтилган. Футбол шарҳловчиси ёки журналисти ёшлигида футболчи бўлишни орзу қилмаган ёки шунга интилмаган бўлса, билингки, у ўз касбига етарлича меҳр қўймаган бўлади. Ёшликдаги футболчи бўлишга истаги менда ҳам ҳаддан ташқари кучли бўлган. Мактабдан кейин кун ботгунча маҳаллада тўп тепганмиз. Қисқа вақт жиддий шуғулланганман ҳам. Кейинчалик ўқишга кириб кетганим учун футболни ҳам ташлаганман (шу туфайли "Пахтакор" билан ўртоқлик ўйинида қатнашиш имкониятини қўлдан чиқарганман). Аммо маҳаллада футбол тўгараги бўлмагани учун волейбол билан 5-6 йил давомида жиддий шуғулланганман ва маълум натижаларга эришганман. Кейинчалик эса жамиятнинг бошқа соҳасидан кетганимдан кейин ҳам футболга бўлган иштиёқ асло сусайманан. Ҳозирги кунда мана шу сайт ва "Чемпион" газетаси орқали ёшликдаги орзунинг ўрнини босиб турибман :) Менимча, кўпчиликда шунақа бўлса керак! |
 maestro_1978 |
САВОЛ: ISHLARINGDAN KUNGILLLARING TUlayaptimi?? saytni yangi dizaynida kamchiliklar bor,yana Chempion xam oriqladi,bizning talabchan bulishimiz sizlarni yutuqlaringku? |
|
ЖАВОБ: Сайт янги дизайнида камчиликлар борлигидан хабаримиз бор. Улар аникланган аникланганда бартараф килинмокда. Айнан шундай камчиликларга кузингизга тушса, дархол бизга хабар беринг. Имкон кадар тугрилаймиз. Умуман олганда эса, назаримда, ёмон ишламаяпмиз. Хар холда деярли хафтасига 7 кун, суткасига 24 соат тиним билмаяпмиз. 3 нафар вакилимиз Қатарда туриб фаолият олиб боряпти. Куни кеча сайтнинг рекордлари янгилангани ҳам фикримнинг исботи бўлади. Газетанинг ориқлагани бу вақтинчалик ҳолат. Молиявий муаммо туфайли мана шундай қилишга мажбурмиз. Яна 48 сахифага қайтамиз албатта. Мухлисларнинг талабчанлиги албатта бизнинг ютуғимиз. |
|
Milan__1899 |
САВОЛ: Futbol va Bukmekrlik idoralari, Yoki Futbol va Uni atrofidagi yirik insonlarni futbolda natijaga aralashuvi, Futbolni qay darajada sindiradi dep o'ylaysiz? |
|
ЖАВОБ: Умуман олганда, букмекерлик идораларининг футболга аралашувига қаршиман. Бунинг сабабларини сиз ҳам яхши биласиз. Баъзида букмекерлик идоралари келишилган уйинларнинг фош бўлишида катта ёрдам беради. Утган мавсумда Россиядаги вокеаларни эсланг. Энг ёмони клублардаги масъул шахслар (мураббийлар, футболчилар, рахбарлар) катта пул ишлаш максадида айнан ўзлари иштирокидаги ўйинларнинг натижаларини сунъий равишда "келиштиришади". Буниси фожиа. Букмекерлик идораларининг футболга фойдаси тегса ҳам, бундай идораларнинг фаолият юритишига қаршиман. Футболга ташқи ва сунъий омилларнинг аралашуви керак. Футбол ҳалолликни ёқтиради. Футболга йирик шахсларнинг аралашувининг эса, афсуски, ҳеч қандай ижобий томони йўқ. Мен, албатта, кишиларнинг клубларга ўтказадиган босимини назарда тутяпман. Йирик шахслар клубларни сотиб олиш, уларни молиялаштириш ҳақида таъсирларини эса албатта оқлайман. Аслида замонавий футбол ана шундай инсонларнинг футболга тикаётган инвестициялари туфайли ҳозирги даражасига етди ва ривожланишда давом этмоқда. |
 Komiljon " Shevchenko 77 |
САВОЛ: Ассалому алайкум ОЛИМХУЖА АКА. Кириб келган Янги йил билан табриклаймиз. Келгусидаги ишларингизга омад ва зафарлар тилаб коламан. Бир кун олдин КАХРАМОН акага бир савол билан мурожаат этганимда у киши ОЛИМХУЖА акага богланинг деб мурожаат этдилар. ОЛИМХУЖА ака сизларга 2 хафтача олдин бир мактуб билан мурожаат этган эдим. Мактубим сизларга етиб бордими? Нега газета сахифаларида куринмаяпти. Жавоб учун олдиндан рахмат. КОМИЛЖОН ИКРОМОВ Фаргона вилояти ТОшлок тумани |
|
ЖАВОБ: Ва алайкум ассалом! Авваламбор, ушбу мурожаатингизга кечроқ жавоб бераётганим учун узр сўрайман. Ҳечдан кўра, кеч яхшироқ деганларидек... Декабрь ойи ўрталарида йўллаган мактубингиз таҳририятга бироз кечроқ етиб келдим. Хат билан шахсан ўзим танишиб чиқдим. Бу пайтга келиб эса Осиё кубоги бошланиб кетди. Хатингиз эса Осиё кубогидан олдин ёзилган ва Абрамовга нисбатан танқидий ёзилган (ўзи Осиё кубогидан олдин барчамиз Абрамовга нисбатан танқидий қарашда эдик). Шунинг учун мазмун жиҳатдан бу хатни газетада босиб чиқишга кеч қолдик. Ҳозирги кунда эса терма жамоамиз барчамизни уялтирган ҳолда, финал остонасида турибди. Жавобимнинг сўнггида сиз тузиб юборган терма жамоамизнинг тактик схемасини бераман. Текшириб кўрамиз, мусобақа олдидан тактика борасидаги тахминингиз ҳозирда қанчалик ўзини оқламоқла. ЎЗБЕКИСТОН ТЕРМА ЖАМОАСИНИНГ ТАКТИКАСИ - 4-5-1 (Комилжон Икромов варианти): И.Нестеров Ш.Муллажонов А.Исмоилов В.Денисов (С.Жўраев) А.Ҳайдаров (О.Аҳмедов) С.Турсунов С.Жепаров В.Карпенко Т.Кападзе М.Шацких Б.Насимов |
|
maestro_1978 |
САВОЛ: Akamisiz yo uka bilmadimku amma menga ozgina yordamingiz kerak,Jizzaxni Zarbdorida Rustam abdurazzaqov degan ashaddiy muxlis bor siz usha inson bilan tanishsiz shu kishi bilan boglanishga yordam bersangiz,oldindan raxmat |
| ЖАВОБ: Агар Биатлонга ашаддий ишқибоз бўлган Рустам акани назарда тутаётган бўлсангиз, афсуски, у кишини менда телефон рақами йўқ. |
|
Jeparov_Jerard |
САВОЛ: Ассалому алайкум Олимхўжа ака. Кириб келган янги йил билан табриклайман. Қатар-2011 да иштирок этадиган терма жамоа мураббийлари мусобақага тайёрлиги ҳақида интервьюлар беришмоқда. Абрамовдан интервью олиш режалаштирилганми? |
| ЖАВОБ: 3 нафар вакилимиз бугун тонгда Қатарга йўл олди. Насиб қилса, улар фаоллик билан ишлашса, сизлар каби биз ҳам материаллардан баҳраманд бўламиз. |
 Lion from Samarkand |
САВОЛ: Lion from Samarkand BAHODIR NASIMOV SOPPA-SOG`! Assalomu aleykum qadrli o`zbegim futbol muxlislari,hormanglar...Tarkib muborak bo`lsin!Lekin bu tarkibimiz hozirgisidan yana ozgina(yana bitta hujumchiga) kuchayishi mumkin edi!Lekin,yaqindagina Bahodir Nasimovni travma olishgan deganida afsuslangandim,ammo,lekin,biroq....(Men Bahodir Nasimovga qarindosh)Ishonish ishonmaslik sizlardan,ammo u soppa-sog`!Qanday?Nega unda termaga chaqirilmadi?Nega unda bizga xato xabarlar kelipti deysizmi?Bu terma ichidagi SIYOSAT ekan!Bahodir Nasimov termaga kelganida V.Abramov uni xushlamagan!Bahodirni chaqirishi asosiy sababi pressa va muxlislar bo`lgan.Uni trenirovkalarda HIMOYADA qo`yib o`ynatgan.U qanday travma olgan deysizmi?Tarkib ikkiga bo`lingan holda trenirovka qilayotganda Geynrix bilan to`qnashib ketgan,yaxshi bilasiz Geynrix hujumchi,Bahodir ham hujumchi.Unda qanday qilib 2ta hujumchimiz to`qnash kelgan? Bahodir HIMOYADA o`ynashga majbur bo`lgan!!!U termaga shu darajada o`ynagisi kelganki,bu shijoatdan O.Navkarov tarkibdan chiqib ketishi 100% aniq edi!Bahodirda hozir travmadan iz ham yo`q!Bahodirning gapi:men terma safida hatto himoyada bo`lsa ham o`ynashga roziman! Kecha Bahodir o`z klubi tarkibiga borib qo`shildi,chunki u oldindan bilardi,chunki V.Abramov tarkibida joy y`oqligini oldindan bilgan!Axir nima bo`lsa ham O.Navkarov tarkibga qo`shilishi kerakku...Bu gaplarga ishonmayotganingizni 100% bilaman.20-yanvarda u Samarqandga kelib ketadi,o`shanda sizga Usmonjon Ibodovdan "original-intervyu"ni o`qib qolsangiz ,keyingina menga ishonasiz!Termada V.Abramov bor ekan Bahodir Nasimov endi kelmayman deb aytgan,mana sizga ENG KATTA SYURPRIZ!Nima bo`lishidan qatiy nazar, termamga omadlar tilab qolishdan boshqa iljoim yo`q!!!Hammangizga KATTA RAXMAT! |
|
ЖАВОБ: Ўзбекистон терма жамоасининг Дубайдаги ўқув-машғулот йиғини пайтида моҳир ҳужумчи Баҳодир Насимов жароҳат олиб, Осиё кубогини ўтказиб юбориши маълум бўлганди. Албатта, бу терма жамоамиз учун сезиларли йўқотиш. Таркибимизда юқори формадаги футболчининг бўлиши барчани - мураббийлар штабидан тортиб, мухлисларни хотиржам қиларди. Ушбу хабар тарқалганидан кейин, Lion from Samarkand ники остидаги мухлис комментарийларда, почта ва конференцияга йўллаган хатларида, қисқа қилиб айтганда, Насимовнинг жароҳат олмаганини ва бу Абрамовнинг "ўйини" эканини айтган. Табиийки, мухлислар унинг гапларига ишонишган ҳам (бу мухлис Насимовнинг қариндоши эканини ёзганларини орасида "қистириб" ўтган-да). Барчада шубҳа уйғотган мазкур хабардан кейин, бу масалага тинч қараб тура олмасдик ва бунга ойдинлик киритиш мақсадида, Баҳодир Насимов билан боғландик. Баҳодир эса ҳақиқатанам ҳам жароҳат олганини ва ҳозирги кунда Дубайда терма жамоа билан биргаликда эканини таъкидлади. "Терма жамоани қўллаб-қувватлаш учун Қатарга борасизми?", деган саволимимизга, Насимов: "Йўқ, Ўзбекистонга қайтиб, телевизор орқали қўллаб-қувватлаб тураман" - деди. - Агар жароҳат олмаганимда, 23 талик таркибга киришимга ишончим комил эди. Терма жамоага ёрдам беришни жуда ҳам истагандим, - дейди Баҳодир. Бундан ташқари, жароҳат Гейнрих билан тўқнашувда эмас, балки тўп тепаётган вазиятда юзага келган. Агар шунчаки уйдирма уюштирган булсангиз, мухлислардан узр сурасангиз яхши буларди. |
Mixail_An
Усмон Ибодов
Олимхўжа Бўронов
Бобур Мирзо
Фурқат|
|
|