Хабарлар

Футбол башорати

"ФУТБОЛ БАШОРАТИ" ТАНЛОВИ ҚОИДАЛАРИ

  1. Танловда истаган киши иштирок этиши мумкин.
  2. Энг аввало сиз сайтда рўйхатдан ўтган бўлишингиз шарт. Агар рўйхатдан ўтган бўлсангиз, логин ва пароль орқали сайт тизимига киринг.
  3. “Футбол башорати” бўлимига киринг. Бўлимда кўрсатилган ўйинларнинг натижаларига ўз тахминларингизни билдиринг.
  4. Вариантларни қабул қилиш, рўйхатда келтирилган ўйинлар ичида энг барвақт бошланадиган учрашув бошланишидан 1 соат олдин тўхтатилади. Ундан кейин эса башорат қилиш имкониятидан маҳрум бўласиз. Футбол учрашувлари ниҳоясига етгандан сўнг, “Футбол башорати” бўлимидаги “Рейтинг” саҳифасига ўтиш орқали ўз натижаларингизни билиб олишингиз мумкин.
  5. Рейтинг очколарини ҳисоблаш тизими билан танишинг: Вариантлар 3 хил тизимда ҳисобланади:
    • тўғри топилган ҳисоб;
    • тўғри топилган тўплар фарқи;
    • тўғри топилган ғолиб жамоа.
    Мазкур тамойилларнинг ҳар бирига 1 баллдан берилади.

    Масалан, “А” ва “В” жамоалар ўртасидаги учрашув 4:2 ҳисоби билан тугади. Агар,

    • мазкур учрашувнинг натижаси 4:2 деб тахмин қилинган бўлса, у ҳолда ўз-ўзидан ўйин натижаси, тўплар фарқи ва ғолиб жамоа ҳам тўғри топилган бўлади ва 3 очко берилади.
    • учрашув натижаси 3:1 деб тахмин қилинган бўлса, у ҳолда учрашув натижаси нотўғри бўлади, фақат тўплар фарқи ва ғолиб жамоа тўғри топилганлиги учун 2 очко берилади.
    • учрашув натижаси 1:0 деб тахмин қилинган бўлса, у ҳолда учрашув натижаси ва тўплар фарқи нотўғри топилган ҳисобланади, фақатгина учрашув ғолиби тўғри топилганлиги учун 1 очко берилади.
    • - Бошқа вариантларда эса мухлисга очко берилмайди.

    Изоҳ: Учрашувда дуранг қайд этилиб, берилган тахмин ҳам дуранг бўлса-ю, фақат натижа бошқачароқ кўринишда бўлса, бу ҳолда ҳам 2 очко берилади.

  6. Кубок ўйинларида учрашувдан сўнг қўшимча вақт ва пенальтилар серияси белгиланса, унда якуний натижа сифатида қўшимча вақтдан сўнг қайд этилган натижа инобатга олинади.
  7. Танлов якунида энг кўп очко тўплаган мухлис ғолиб деб топилади. Очколар тенг бўлиб қолган ҳолатда энг аввал тўғри топилган ҳисоблар сони, кейин тўғри топилган тўплар нисбати сони инобатга олинади. Барча кўрсаткичлар тенг бўлганида эса тенг очко тўплаган мухлисларнинг барчаси ғолиб деб эълон қилинади.
  8. Танловда 2 марта регистрациядан ўтиб, 2 та ном остида иштирок этиш тақиқланади. Бундай ҳолатлар аниқланганда, фойдаланувчига нисбатан чора кўрилади.
  9. Танловда хоҳлаган босқичдан бошлаб иштирок этиш мумкин.
  10. Танловнинг ишини такомиллаштириш, фойдаланувчиларга қулайлик яратиш мақсадида, ҳар бир иштирокчи таклиф билан мурожаат қилиши ҳуқуқига эга. Сайтнинг “Алоқа” бўлими орқали “Футбол башорати” мавзусини кўрсатган ҳолда таклифларингизни ёзишингиз мумкин. Ҳар бир мурожаатни кўриб чиқамиз. Қарор қабул қилиш сайт ижодкорлари ихтиёрида қолади.
  11. Бошқа ҳар қандай низоли ҳолатларда сайт ижодкорлари мурожаатингизни кўриб чиқиб қарор қабул қиладилар.

Мазкур “Футбол башорати” бир нечта босқичлардан иборат ва йил якунида энг кўп очко тўплаган мухлис ғолиб деб топилади. Марҳамат, “Футбол башорати”да иштирок этинг ва ўзингизни синаб кўринг.

Мурожаат учун info@uff.uz адресидан фойдаланишингиз мумкин.

Чемпионатлар

A - Гуруҳи

Жамоа Ў О
1 Португалия 3 7
2 Мексика 3 7
3 Россия 3 3
4 Янги Зеландия 3 0

B - Гуруҳи

Жамоа Ў О
1 Германия 3 7
2 Чили 3 5
3 Австралия 3 2
4 Камерун 3 1

SARA FIKRLAR

14.06.2017 10:40
SER11

Мана буни хакикий муъжиза деса булади, аммо уни биз эмас бизга яратиб берди Оллохим.
Эсласангиз биринчи муъжиза куръа ташланганда булган эди - биз хаёт гурухига тушган эдик. Иккинчи муъжиза биз Сурияга ютказганимизда, Жан. Корея хам 3 очко йукотган эди. Мана сизга 3- муъжиза - Катар оркали бизга тортик килинди. Омад дегани шу булса керак. Лекин омад омадлиларга келади. Бабаян омадлими? Йук, биз мухлислар омадлимиз, чунки Бабаян узининг "энг кучли" таркиби билан келган омадларни бирин кетин кукка совуриб булди. Биз унга булган ишончни бутунлай йукотиб булдик (мен аллакачон йукотган эдим). Майли чика олмайлик, лекин бу Бабаянсиз булсин.
2,5 ойдан ортик вакт бор.
- Вакт етарлими?
- Бабаянсиз етарли!
Мана сизга бугунги кун шиори:

Хайр Бабаян!
Салом Россия -18!

14.06.2017 09:54
Пахтакор

Футбол тизимида расмий иш юритаётган ОАВ мард ходими борми? Шу пайтгача мухлислар томонидан, футболга умуман алоқаси бўлмаган шоуменлар томонидан, қолаверса айрим бир МТЖ аъзоси хисобланган футболчилар томонидан гапирилаяпти: тренерни алмаштирилиши, янги қон кераклиги, тизимни ўзгартирилиши хақида. Лекин бирон бир ОАВ ходими Ўша МТЖ тренерларидан, УФФ бошлиқларидан интервью шу пайтгача олингани йўқку?!?!

14.06.2017 02:35
UZNASAF

Биз футболимизга юрагимиздан жой берганмиз, мухлисмиз. Терма жамоа саралашни ажойиб натижалар билан бошлаганда, стадионда жўр бўлиб мадҳиямизни куйладик. Бу манзара футболга, ватанга бўлган ҳиссиётларни юзага чиқарганди! Вақт ўтиши билан терма жамоамиз аъзолари ва Бабаян учун ўтиб бўлмас синовлар юзага келди. Эрон билан ўйинда бирортаям зарба бера олмаган жамоага ким ҳам маъқул фикр билдира оларди? Ислоҳотлар керак футболимизга. Энг аввало Бабаянга ўхшаган инсонларни умуман тозалаш керак ўзбек футболидан. Ҳаром ғалабалар орқали Пахтакордек
жамоани шарманда қилган бундай орсиз одамга ҳам олимпия, ҳам МТЖни топширишнинг оқибатлари аён бўлди.


UFF.uz. "Football Media News" MChJ, 2016 yil
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.
Дизайн: www.uff.uz
Расмий хабарларда ва блогларда кетган маълумот - мақолаларга муаллифлар ва блоггерларнинг ўзлари масъулдирлар.
Яндекс.Директ тизими осон бўлиши учун фойдаланувчи компьютеридаги қизиқиш ва изланишларга оид "линк"ларни кўрсатади.
Реклама қилинаётган маҳсулотлар ва хизматлар турлари лицензия ва сертификатларга эга.